Har bir ishtirokchi-universitet hududida Coca-Cola kompaniyasi plastik yig’ish uchun maxsus qutilar o’rnatdi. Haftada bir martda SANFA har bir universitet tomonidan yig’ilgan ashyolarni yig’ib, ushbu materiallar vaznini tortadi va ma’lumotlarini yangilaydi.

Shuningdek, navbatdagi yangilanishda loyihada eng faol ishtirok etgan va ijtimoiy tarmoqlarda chellenj haqida gapirib bergan talabalar taqdim etiladi.

Chellenj 26-may kuni yakuniga yetadi. Eng yaxshi natija ko’rsatgan universitetga Coca-Cola va Yoshlar ishlari bo’yicha agentlik tomonidan sertifikat va esdalik sovg’alari topshiriladi.

Coca-Cola ekologiyaga g’amxo’rlik qilishni o’zining ham mahalliy, ham global miqyosdagi asosiy strtategik yo’nalishi deb hisoblaydi. Kompaniya jamiyat rivojiga uzoq muddatli hissa qo‘shish maqsadida faoliyat yuritayotgan har bir mamlakatda barqaror rivojlanish va atrof-muhitni muhofaza qilishga intiladi.

Shu tarzda, 2022-yilda Coca-Cola chiqindilarni samarali yig’ish va qayta ishlashni qo’llab-quvvatlashga qaratilgan Wasteless ekologik loyihasini ishga tushirdi. Maxsus ilova yordamida restoranlar va boshqa chiqindi ishlab chiqaruvchilar qayta ishlanadigan mahsulotlarni to‘g‘ridan-to‘g‘ri qayta ishlovchilarga sotishlari mumkin bo‘lib, bu o’z yo’lida shahar ko‘chalarini toza va jozibali qilishga yordam beradi.