Jastin Biberning "Skylrk" brendi birinchi kolleksiyasini taqdim etdi

E’lon qilingan sana· 5 758
Jastin Biberning "Skylrk" brendi birinchi kolleksiyasini taqdim etdi

Xonanda Jastin Biberning kiyimlar brendi “Slylrk” birinchi kolleksiyasini chiqardi. Buyumlar allaqachon brend rasmiy veb-saytida sotilmoqda.

Biber brendi kolleksiyasidan kapyushonli tolstovkalar, bosh kiyimlar, quyoshdan himoyalovchi ko‘zoynaklar, maykalar va ikki juft poyabzal oʻrin oldi. Kiyimlar palitrasi yorqin sariq, pushti, qizil, ko‘k va qora ranglardan iborat.

2023-yil dekabr oyida Biber o‘zining ikkinchi moda brendi SKYLRKni ilk bor taqdim etgandi. Qayd etilishicha, u 2018-yilda Rayan Gud bilan birga asos solgan “Drew House” brendidan nimasi bilan farq qilishi aniq emas. Qo‘shiqchi eski loyihadan butunlay uzoqlashgan, chunki uning ijodiy qarashlariga mos kelmay qolgan.

O‘tgan yil oxirida Jastin Biberning “Lonely” qoʻshigʻining sotuvi Pi Diddining mojarosi tufayli bir necha kun ichida 1400 foizga oshgandi. Pop-yulduzining muxlislari qo‘shiq matnini diqqat bilan o‘rgana boshladi va unda yordam chaqirig‘ini ko‘rdi. Ularning ta’kidlashicha, qoʻshiqda Biber va Diddining munosabatlari haqida hikoya qilinadi va musiqachining bolaligida boshdan kechirgan og‘rig‘i ta’kidlanadi.

Telegram kanalimizga obuna bo‘ling