Olimpiada chempioni Ulugʻbek Rashitov 2 yilga musobaqalardan chetlatildi
Taekvondo boʻyicha ikki karra Olimpiada chempioni Ulugʻbek Rashitov soʻnggi bir yil ichida antidoping qoidalarini 3 marta buzgani uchun 2 yilga musobaqalardan chetlatildi. Bu haqda Butunjahon taekvondo federatsiyasi nomidan Xalqaro doping-test agentligi (ITA) xabar berdi.
Qayd etilishicha, Rashitov 12 oy davomida uch marta o‘z yashash manzili haqidagi ma’lumotlarni taqdim etish talablarini buzgan. Bunday xatti-harakatlar antidoping qoidalarining buzilishi deb tasniflanadi, chunki bu to‘satdan musobaqadan tashqari test o‘tkazishga to‘sqinlik qiladi.
Sportchi qoidabuzarlik boʻyicha faktlarga e’tiroz bildirmagan va ITA tomonidan taklif qilingan oqibatlarga rozi bo‘lgan. Diskvalifikatsiya muddati 2025-yil 13-maydan 2027-yil 12-mayigacha davom etadi. Shuningdek, Rashitovning uning 2025-yil 3-fevraldan buyon erishgan barcha shaxsiy natijalari bekor qilinadi.
Hasanboy Doʻstmatov va Ulugʻbek Rashitov – ikki karra Olimpiada chempioni
O‘zbekiston delegatsiyasi Parij-2024dagi medallarini 5 taga (3 ta oltin, 2 ta bronza) yetkazib, umumjamoa hisobida 18-pog‘onaga ko‘tarildi.