“Merlin” va “Yura davri dunyosi” yulduzi Sem Nil vafot etdi

Yangi zelandiyalik aktyor Sem Nil 78 yoshida vafot etdi. Bu haqda uning oilasi aktyorning rasmiy Instagram sahifasi orqali xabar berdi.

Bayonotga ko‘ra, u 13-iyul kuni Sidneyda oila a’zolari davrasida hayotdan ko‘z yumgan.

Sem Nil tomoshabinlarga “Yura davri dunyosi” (“Jurassic Park”) franshizasidagi doktor Alan Grant, “Merlin” mini-serialidagi Merlin hamda “The Piano”, “Peaky Blinders” va “The Tudors"dagi rollari bilan tanilgan.

2023-yilda aktyor qon saratoniga chalinganini ma’lum qilgan, 2026-yil aprelida esa davolanishdan so‘ng kasallikdan butkul xalos bo‘lganini e’lon qilgan edi. Oila bayonotida uning vafoti kutilmaganda yuz bergani, biroq saraton qaytalanmagani ta’kidlangan.