Click yangi avlodni rivojlantirish g‘oyasini qo‘llab-quvvatlab, Aloha musobaqalarini qo‘llab kelmoqda
Click fintex kompaniyasi O‘zbekiston kelajagiga investitsiya kiritish maqsadida Toshkentda o‘tgan 9-Respublika Aloha mental arifmetika musobaqasini qo‘llab-quvvatladi va yosh iqtidorlarni rivojlantirishda davom etmoqda.
Yirik fintex kompaniya Click yangi avlodni rivojlantirishga qaratilgan ta’lim tashabbuslari va loyihalarini izchil qo‘llab-quvvatlab kelmoqda. Kompaniyada ta’kidlanishicha, zamonaviy texnologiyalar avvalo tizimlar yoki algoritmlardan emas, balki insonlardan — ularning bilimlari, ko‘nikmalari va keng fikrlash qobiliyatidan boshlanadi.
24-may kuni Toshkent shahrida Aloha mental arifmetika bo‘yicha to‘qqizinchi Respublika musobaqasi bo‘lib o‘tdi. Har yili o‘tkaziladigan ushbu ta’lim tashabbusi mamlakatning turli hududlaridan yuzlab bolalarni birlashtiradi. Click bir necha yildan buyon musobaqaning hamkori sifatida bolalarda xotira, diqqatni jamlash, intizom va tez fikrlash ko‘nikmalarini rivojlantirishga yordam beradigan loyihalarni qo‘llab-quvvatlab kelmoqda.
Bu yilgi musobaqa Zakovat intellektual klubi maydonida tashkil etildi. Ishtirokchilar xalqaro formatga maksimal darajada yaqinlashtirilgan topshiriqlarni bajardi — bolalar 5 daqiqa davomida turli murakkablikdagi 70 ta arifmetik misolni yechdi.
Bugungi kunda Aloha xalqaro dasturi dunyoning 45 dan ortiq mamlakatida faoliyat yuritmoqda va 4 000 000 dan ortiq o‘quvchini birlashtiradi. O‘zbekiston ushbu dasturda 2016-yildan buyon ishtirok etib kelmoqda va uning o‘quvchilari bir necha bor xalqaro musobaqalarda mamlakat sharafini himoya qilib, sovrinli o‘rinlar, medallar va chempionlik unvonlarini qo‘lga kiritgan.
Aloha Uzbekistan xalqaro musobaqalarda Malayziya, Rossiya, Xitoy, Kambodja va Ispaniyada qo‘lga kiritgan umumiy natijalar 120 dan ortiq kubok va medallarni tashkil etadi. Bu esa dasturga xalqaro musobaqalarda ko‘p mukofot qo‘lga kiritgan loyihalardan biri maqomini beradi. Joriy yilda terma jamoa yangi marralarni zabt etish uchun Panamaga tayyorgarlik ko‘rmoqda.
Kompaniyada qayd etilishicha, bunday tashabbuslarni uzoq muddatli qo‘llab-quvvatlash kompaniyaning ongli yondashuvi bo‘lib, uning kelajak avlodni rivojlantirishga bo‘lgan qarashini aks ettiradi.
“Biz uchun bunday loyihalarni qo‘llab-quvvatlash alohida tashabbusdagi ishtirokdan ko‘ra kengroq ma’noga ega. Biz bir necha yildan buyon Aloha’ni qo‘llab-quvvatlab kelmoqdamiz, chunki muhim bir g‘oyaga ishonamiz: bolalar ta’limiga kiritilgan investitsiya — O‘zbekiston kelajagiga kiritilgan investitsiya. Har qanday texnologiya ortida insonlar — ularning bilimlari, intizomi va tez qaror qabul qilish qobiliyati turadi. Aynan shu fazilatlar kelajakdagi mutaxassislar, muhandislar va yangi texnologiyalar yaratuvchilari uchun mustahkam poydevor bo‘lib xizmat qiladi”, — deya ta’kidlanadi Click’da.
Musobaqa tashkilotchilari ham loyiha bolalar rivojida muhim o‘rin tutishini qayd etdi:
“Farzandlarimizga mehr berib, ular uchun zarur sharoitlarni yaratib, har tomonlama rivojlanishiga ko‘maklashsak, kelajakda mamlakatimizning yetakchi avlodini tarbiyalay olamiz”.
Click’da ta’kidlanishicha, kompaniya kelgusida ham ta’limni rivojlantirish va yangi avlod uchun imkoniyatlar yaratishga qaratilgan tashabbuslarni qo‘llab-quvvatlashni davom ettiradi. Chunki kelajak haqida qayg‘urish bugungi bilimga investitsiya qilishdan boshlanadi.
Click:
Instagram: @clickuz
Telegram: t.me/click_uz
LinkedIn: linkedin.com/click-uzbekistan
Aloha Kids:
Instagram: @aloha.uz, @dinara_khaki, @alloma.education
Reklama huquqlari asosida.