2023-yil aprel oyida uyda qanday filmlar ko'rish mumkin?
Agar aprel oyida bizni kutayotgan seriallar borasida hammasi joyida deydigan bo’lsak, filmlar borasida bunday deya olmaymiz. Hali kechiktirilgan e’lonlar qilinadi degan umidda hatto ushbu to’plamni chiqarishni ham biroz kechiktirishga majbur bo’ldim. Ammo kutganimdek bo’lmadi. Biroq, bundan xafa bo’lmaymiz. Aprel oyida kinoteatrlarda ham ko’plab yangi filmlar qo’yilmoqda.
Filmlar
Квази
Quasi
Janr: drama, komediya.
Premyera sanasi: 20-aprel kuni Hulu`da.
Film “Monti Payton"ning amerikanchasiga o’xshab ketadi. Buning ajablanarli joyi yo’q, chunki “Quasi” Broken Lizard komediya guruhi tomonidan suratga olingan, ular “Supercops” va “The Dukes of Hazzard” filmlarini ham chiqarishgan.
Sinopsis: Sevgiga intilayotgan, lekin Rim Papasi va Fransiya qiroli o’rtasidagi qonli janjalning markazida bo’lgan baxtsiz bukri haqida hikoya.
Без ответа
Ghosted
Janr: jangari, melodrama, sarguzasht.
Premyera sanasi: 21-aprel kuni Apple TV+`da.
Bu yerda kartina yanada qiziqarliroq. Tasavvur qiling, uchrashuv paytida siz sevgilingiz maxfiy agent ekanligini bilib qolasiz. Sizning harakatlaringiz? Go’zal Ana de Armas va Kris Evans ham ushbu Apple TV josuslik melodramasida rol o’ynagan. Bu, albatta, striming segmentida aprel oyining eng kutilgan filmi bo’lmoqda.
Sinopsis: Koul sirli Sediga oshiq bo’ladi, lekin u maxfiy agent ekanligi ma’lum bo’ladi. Koul va Sedi ikkinchi uchrashuvga borishdan oldin dunyoni qutqarish uchun sarguzashtga otlanishadi.
Питер Пэн и Венди
Peter Pan & Wendy
Janr: fetezi, oilaviy, sarguzasht.
Premyera sanasi: 28-aprel kuni Disney+`da.
Bu yerda hammasi klassika. Agar siz Disney tomonidan qandaydir afsonaviy multfilmning filmga moslashtirilganini ko’rsangiz, G’arb sanoati uchun juda muhim bo’lgan “inklyuzivlik"dan foydalanilishi shart. Shuning uchun bu filmda biz Piter Pen va Din-Din parisining aniq sharqona ko’rinishini bilan ko’ramiz.
Sinopsis: Bolaligidagi uyini tark etishdan qo‘rqqan qiz Vendi Darling o‘sishni istamaydigan Piter Pen ismli bola bilan uchrashadi. U ukalari Maykl va Jon, shuningdek, mitti Din-Din bilan birgalikda Piter bilan Neverlendning sehrli olamiga sayohat qiladi. U yerda Vendi yovuz qaroqchi kapitan Huk bilan uchrashadi va uning hayotini butunlay o‘zgartiradigan hayajonli va xavfli sarguzashtga kirib qoladi.
Часы
Clock
Janr: trillar, horror.
Premyera sanasi: 28-aprel kuni Hulu`da.
“Clock” (Soat) filmi juda g’alati va sirlidir. Film xuddi shu nomdagi qisqa metrajli film asosida yaratilgan. Va ijodkorlar ayol tanasining avtonomiyasi haqidagi mutlaqo noodatiy mavzuni ko’tarishadi.
Sinopsis: Ona bo’lish uchun klinik sinovda qatnashgan ayolning hikoyasi. Qahramonni bunday qarorga jamiyat, oila va do’stlar bosimi ko’ndiradi.
Seriallar
Хорошие матери
The Good Mothers
Janr: drama, kriminal.
Premyera sanasi: 5-aprel kuni Hulu`da.
Serial real voqealarga asoslangan bo‘lib, ayollar o‘z huquqlari va oilalarini himoya qilish uchun o‘z kuch va mahoratidan qanday foydalanishini ko‘rsatadi. U ayollar ozodligi, ijtimoiy adolat va birdamlik mavzularini birinchi o‘ringa olib chiqadi.
Sinopsis: mashhur “Ndrangheta Calabrian” mafiyasining uchta jasur ayoli va endi ish boshlagan prokuror-ayol Alessandra Cherreti jinoiy imperiyani yo’q qilishga urinishlari haqidagi hikoya.
Грызня
Beef
Janr: komediya, drama.
Premyera sanasi: 6-aprel kuni Netflix`da.
Bu 10 seriyadan iborat loyiha bo’lib, u nafaqat boshqa seriallarni takrorlanmaydi, balki zamonaviy jamiyatdagi bostirilgan g’azab va sinfiy tafovut haqida aqlli mulohazalar bilan ajablantiradi. Serial allaqachon tanqidchilar va tomoshabinlar tomonidan yuqori baholangan.
Sinopsis: notanish Emi va Denni hayotlarida qiyin davrni boshdan kechirmoqda: qiz ruhiy bo’shliqni his qilmoqda, yigitning esa bank hisobi bo’shab qolgan. Bir kuni ularning mashinalari to’xtash joyida to’qnashadi va tasodifiy to’qnashuv ularda nafrat uyg’otadi: ikkalasi ham dushmaniga ko’proq zarar keltirish uchun hamma narsa qila boshlashadi.
Прекрасные мелочи (мини-сериал)
Tiny Beautiful Things
Janr: drama, komediya.
Premyera sanasi: 7-aprel kuni Hulu`da.
“Tiny Beautiful Things"ning original versiyasi amerikalik yozuvchi Sheril Streydning esselar to’plami bo’lib, u o’zining “Yovvoyi” nomli kitobi bilan mashhur bo’lgan, asar bo’yicha 2014-yilda film suratga olinib, unda Riz Uizerspun rol o’ynagan.
Sinopsis: Kler qiyin davrni boshdan kechirayotgan yozuvchi. Oilaviy hayoti inqiroz holatida, qizi tobora undan uzoqlashmoqda, karyera to’xtab qolgan. Unga eski tanishi yordamga keladi: u Klerga sarosimaga tushib, o’ziga ishonchini yo’qotganlar uchun maslahatlar rukni yozishni taklif qiladi. Ammo, agar uning o’z hayoti barbod bo’layotgan bo’lsa, u qanday qilib kimgadir maslahat bera oladi?
Последнее, что он мне сказал (мини-сериал)
The Last Thing He Told Me
Janr: triller.
Premyera sanasi: 7-aprel kuni Apple TV+`da.
Film eri Ouen va o’gay qizi Beyli bilan ideal turmush kechirayotgan Xanna haqida gapirib beradi. Bir kuni Ouen g’oyib bo’ladi va ayol “Uni himoya qiling” degan sirli yozuvni oladi. Xanna erining qayerga ketganini aniqlashga urinayotganda, atrofdagilar erining aslida u bilgan odam emasligini aytishadi.
За океан (мини-сериал)
Transatlantic
Janr: drama, tarixiy.
Premyera sanasi: 7-aprel kuni Netflix`da.
“Germaniya 83−86−89” va “G'ayrioddiy” nomli trilogiyaning yaratuvchisi Anna Vinger yangi mini-serial bilan qaytadi. “Over the Ocean” Julie Orringerning 2019-yilda chop etilgan “Flight Portfolio” romaniga asoslangan.
Sinopsis: Kartina “Favqulodda vaziyatlar va qutqaruv qo’mitasi” haqida hikoya qiladi — bu Ikkinchi Jahon urushi paytida natsistlar tomonidan bosib olingan Fransiyadan 2000 dan ortiq qochqinlarni olib chiqqan tashkilotdir.
Человек из Флориды
Florida Man
Janr: triller, drama, kriminal, detektiv.
Premyera sanasi: 13-aprel kuni Netflix`da.
Bu serial haqida ko’p gap aytish qiyin. Umuman olganda, serialning barcha detallari g’alati ko’rinadi. Biroq, g‘oya ikki qarama-qarshi tomonlarga ega insonlar haqida.
Sinopsis: Qarzdan xalos bo’lish evaziga sobiq politsiyachi Mayk Valentin gangsterning qochib ketgan qiz o’rtog’ini topish uchun o’zi istamagan holda o’z ona shahri Floridaga boradi. Kelgach, Mayk mahalliy jinoiy mashmashalar girdobiga tushib qoladi.
Могучие Рейнджеры: Однажды и навсегда
Mighty Morphin Power Rangers: Once & Always
Janr: fantastika, jangari, sarguzasht, oilaviy.
Premyera sanasi: 19-aprel kuni Netflix`da.
Go go “Pauer Reynjers”! Ha, bu navbatdagi “Power Rangers”. Ammo, bu loyihaning eng yoqimli tomoni, unda eski gvardiya yig’ilganligida — 1993-yildagi “Power Rangers” bilan bir xil tarkib. Va bu nafaqat aktyorlar tarkibiga, balki original serial yaratuvchilariga ham tegishli.
Sinopsis: Fojiadan so’ng, yosh qahramon jamoaning eng qadimiy dushmaniga qarshi kurashish uchun “Power Rangers” safida o’zining munosib o’rnini egallaydi.
Дипломатка
The Diplomat
Janr: triller, drama.
Premyera sanasi: 20-aprel kuni Netflix`da.
Serial ssenariysi Debora Kan tomonidan yozilgan. Shuningdek, u “Ehtiros anatomiyasi”, “G‘arbiy qanot” va “Vatan” filmlariga ssenariy yozgan. Bu faktning o’zi ham ko’p narsani anglatadi.
Sinopsis: Advokat, maslahatchi va politsiyachi sifatida faoliyat yurituvchi Laura Simmonds o‘zining barcha diplomatik mahoratidan ishlarning oqimini hal qilish uchun foydalanadi. Britaniyalik yosh bufetchi yaxtada vafot etganida, mahalliy politsiya buni fojiali tasodif deb qabul qiladi, otasi esa buni qotillik deb hisoblaydi va Laura bu fikrga qo’shiladi. Tez orada ular yigitning o’limi, mahalliy to’dalar va Britaniya razvedkasi o’rtasida bog’liqlikni topishadi.
Миссис Дэвис
Mrs. Davis
Janr: fantastika, drama, komediya.
Premyera sanasi: 20-aprel kuni Peacock`da.
G’alati serial, lekin bu yerda bir fakt bor: birinchi tomoshabinlarning aytishicha, bu juda g’alati bo’lgan ilmiy fantastika va absurd komediya, “Monti Payton” va Kurt Vonnegut romanlari aralashmasidan iborat takrorlanmaydigan serial yuzaga kelgan.
Sinopsis: Rohiba Simone “Missis Devis” deb nomlangan sun’iy intellektni to’xtatish uchun katta sayohatga otlanadi.
Связанные насмерть
Dead Ringers
Janr: triller, drama.
Premyera sanasi: 21-aprel kuni Amazon Prime Video`da.
Devid Kronenbergning xuddi shu nomdagi psixologik horrorining remeyki, bosh rolda Reychel Vays.
Sinopsis: hozirgi kunlar. Egizak opa-singil Mentllar ginekologiya sohasida ishlaydi va xavfli tajribalar bilan ayollarda homiladorlik jarayonini o’zgartirishga harakat qilishadi.
Остров Сент-Икс
Saint X
Janr: triller, drama, detektiv.
Premyera sanasi: 26-aprel kuni Hulu`da.
Serial Aleksis Shaytkinning shu nomdagi bestselleri asosida yaratilgan. Psixologik drama bir nechta vaqt jadvallari va burchaklar bo’ylab hikoya qilinadi, bu esa “whodunit” janrini o’zgartirishga qaratilgan. Tomoshabinlarni sinf va irqdan tortib, oilaviy rishtalar va jamiyatgacha bo’lgan barcha narsalar haqida aniq ijtimoiy sharhlar kutmoqda.
Sinopsis: Qizning o’ldirilishi matbuotda keng yoritiladi, ammo hech qachon fosh qilinmaydi. Yillar o’tib, jabrlanuvchining singlisi Emili haqiqatning tubiga yetishga qaror qiladi, ammo buning uchun aqlli va ziyrak qiz o’zining ideal hayotini qurbon qilishi kerak bo’ladi.
Любовь и смерть (мини-сериал)
Love & Death
Janr: triller, drama, kriminal, detektiv, biografiya, tarixiy.
Premyera sanasi: 27-aprel kuni HBO`da.
Hulu`dan Jessika Bil ishtirokidagi “Candy” trillerini tomosha qilganmisiz? Demak, Elizabet Olsen ishtirokidagi HBO`ning “Sevgi va o’lim” mini-seriali aslida shunga o’xshash. Qizig’i shundaki, 1980-yillarda Texasda bo’lib o’tgan bu real hayotdagi qotillik hikoyasi bir yil ichida ikkinchi film uchun ekranlashtirilmoqda. Aftidan, hikoya bunga arziydi.
Sinopsis: Kendi Montgomeri va Betti Gorning umumiy jihatlari juda ko’p: ular ikkalasi ham cherkov xorida qo’shiq aytishadi, qizlari eng yaxshi dugonalar, erlari esa Kremniy vodiysida ishlaydi. Ammo ideal hayot jabhasi orqasida dahshatli sirlar yashiringan va tez orada ulardan biri hammasini barbod qiladi.
Цитадель
Citadel
Janr: jangari, triller, drama.
Premyera sanasi: 28-aprel kuni Prime Video`da.
“Kulrang odam” o’ldi. Yashasin “Sitadel”! Ammo jiddiy aytadigan bo’lsak, bu aka-uka Russolarning yana bir josuslik trilleridir. Eng qizig’i shundaki, hamma bu loyihaning muvaffaqiyatiga shunchalik ishonmoqdaki, yana bir nechta “spin-off"larini o’z ichiga oladigan butun franshizaga aylantirish rejalashtirilgan.
Sinopsis: “Sitadel” razvedka agentligining sobiq agenti Meyson Keynning xotirasi o’chirib tashlanmoqda. Ustoz Bernard Orlik yordami bilan u josus hamkasbi Nadiya Singx bilan uchrashadi. Ular birgalikda bir paytlar qal’ani vayron qilgan “Mantikor” jinoyat sindikatiga qarshi kurashishlari kerak.
Aytib o’tishga loyiq bo’lgan boshqa seriallar:
“Барри”: 4-mavsum, 16-apreldan HBO`da;
“Удивительной миссис Мейзел”: 5-mavsum, 14-apreldan Amazon Prime Video`da;
“Sweet Tooth: Мальчик с оленьими рогами”: 2-mavsum, 27-apreldan boshlab Netflix`da.
