Yevropa kinofestivali

Toshkent va Buxoroda Yevropa kinofestivali boʻlib oʻtadi. Festival “Ipak yo‘li gavhari” Toshkent xalqaro kinofestivali doirasida tashkillashtiriladi.

Festival dasturidan Avstriya, Belgiya, Xorvatiya, Estoniya, Finlyandiya, Fransiya, Germaniya, Vengriya, Italiya, Malta, Portugaliya, Ruminiya, Sloveniya, Ispaniya, Ukraina kabi Yevropa davlatlarida suratga olingan 15 ta film o‘rin olgan.

Filmlar tomoshabinlarga turli kinematografiya tajribasini taqdim etadi va komediya va dramadan tortib animatsiya va hujjatli filmgacha turli janrlarni qamrab oladi. Bu filmlar atrof-muhit ofatlari, qarilik va yolg‘izlik muammolari, ota-bola o‘rtasidagi murakkab munosabatlar, ota-onadan ajralish, madaniy tafovut, ijtimoiy tazyiqlar, inson qalbining qorong‘u tomonlari kabi chuqur mavzularni olib chiqadi.

Ko’rgazmalar bo’lib o’tadi:

Toshkentda:

• 1−3-oktabr — “Yulduz” kinoteatri (sobiq Premier Hall kinoteatri);

Buxoroda:

• 3−5-oktabr — “Buxoro” kinoteatri.

Filmlar asl tilda o‘zbek yoki rus tillarida subtitrlar bilan namoyish etiladi.

Kirish bepul.