O‘zbekistondagi turli millat va elatlar haqida film suratga olinmoqda
E’lon qilingan sana: · 146
O‘zbekistonda yashayotgan turli millat va elat vakillarining do‘stona munosabatlari haqida hujjatli film suratga olinmoqda, deya xabar bermoqda Milliy kinematografiyani rivojlantirish markazi axborot xizmati.
“Hujjatli va xronikal filmlar kinostudiyasi” tomonidan suratga olish ishlari boshlangan film “Bag‘rikeng yurt. Quyosh bunda izzatda” deb nomlanadi. Ssenariy muallifi Humoyun Akbarov.
Filmda O‘zbekistonda hamjihatlikda yashab kelayotgan 130 dan ortiq millat va elat vakillarining bir-biriga do‘stona munosabatlari, bag‘rikenglik va o‘zaro hurmatni qaror toptirish, diniy erkinlikni taʼminlashga qaratilayotgan eʼtibor ochib beriladi, deyiladi xabarda.