Oʻzbekiston kinoteatrlaridagi premyeralar (30-yanvar, 1-fevral)
Oʻzbekiston kinoteatrlarida 30-yanvar va 1-fevral kunlari “Стеклодув” melodramasi, “Sheker. So‘nggi imkon” kriminal dramasi, “Догмен: Пушистая справедливость” multfilmi, “Adolat” detektivi va boshqa premyeralar namoyishi boshlanadi.
“Стеклодув”
Yosh Vinsent va uning otasi Tomas mamlakatdagi eng yaxshi shishasozlik ustaxonasini boshqaradi. Shaharda nufuzli polkovnik va uning iste’dodli skripkachi qizi Ellisning paydo bo‘lishi bilan bu oilaning hayoti oʻzgarib ketadi. Vinsent va Ellis o‘rtasida muhabbat paydo bo‘ladi, bu hayotga mutlaqo boshqacha nigoh qaraydigan otalarning qarshiligiga uchraydi. Oshiqlarni qiyin sinovlar kutadi, ammo his-tuyg‘ular va san’at sehri moʻjiza yaratadi.
“Компаньон”
Yosh milliarder Josh o‘ziga Ayris ismli androidni sotib oladi. Sevish va muhabbat bilan shugʻullanish uchun yaratilgan robot har jabhada xo‘jayiniga quloq solishi va uning har qanday injiq istaklarini bajarishi kerak. Ammo robot vaqt o‘tishi bilan atrof-muhit va o‘z xatti-harakatlaridagi gʻalati oʻzgarishni seza boshlaydi. O‘zini tushunishga harakat qilar ekan, Ayris tez orada Josh uni buzib qoʻyganini va ideal muhabbatga erishish uchun dasturni o‘zgartirganini tushunadi. Biroq u yangi kod tufayli Ayrisning qalbida nafaqat haqiqiy ong, balki Joshdan qutulish istagi ham paydo bo‘lishini xayoliga ham keltirmagandi.
“Sheker. Soʻnggi imkon”
Aldik giyohvand moddalarni sotish bilan shugʻullangani uchun qamoqqa olinadi, ammo sud oldidan huquq-tartibot idoralari xodimlari bilan shartnoma tuzadi. Bu omon qolishning so‘nggi imkoniyati bo‘lishi mumkin.
“Догмен: Пушистая справедливость”
Politsiya zobiti Nayt va uning iti Greg portlash epitsentriga tushib qoladi. Ularni faqat itning boshini odamga ko‘chirib o‘tkazish orqali qutqarib qolish mumkin. Shunday qilib, yarmi it, yarmi odam bo‘lgan Dogmen dunyoga keladi.
“Астрал. Проклятие мёртвых”
Shaharda bir qator sirli qotilliklar sodir bo‘ladi va qurbonlarning jasadlarida g‘alati izlar qoladi. Qadimiy marosimni amalga oshirayotgan qiz qotil marhumlarning ruhlariga abadiy tinchlik bermaydigan va oʻzga dunyodan qudratli kuchlarni chaqiradigan sirli marosimni amalga oshirayotganidan shubhalana boshlaydi.
“Adolat”
Prokuror Adolat Aliyeva xususiy kompaniyalarda ishlash yoki yuqori martabalar taklifini rad etadi, chunki uning hayotdan maqsadi oddiy qog‘ozlar orasida qolib ketadigan ishchi boʻlish emas, balki eng oliy g‘oyalarga xizmat qilish. U jinoyatchilarni fosh qiladi, ularning moliyaviy ahvoli va jamiyatdagi mavqeidan qat’i nazar adolat qaror topishi uchun harakat qiladi. Ammo bir kuni uyda uxlab qolgan qahramon eri va qizini o‘ldirishda ayblanib, qamoqxona kamerasida uyg‘onadi. Oxirgi xotiralardan bugungi kungacha boʻlgan vaqt uning xotirasidan butunlay o‘chirilgan, oradan esa 4 oy oʻtgan.
“Kallaxona. Love”
Film syujeti markazida ikki yoshning muhabbati turadi. Kinokartina ularning ilk tanishuvidan to muhabbat uygʻonishigacha bo‘lgan yo‘l haqida hikoya qiladi.