2025-yil fevral oyida O‘zbekiston kinoteatrlarida nimalarni tomosha qilish mumkin?
Bayramlar ortda qoldi, yangi yil archalari yig‘ishtirildi, ko‘chada esa qish hali chekinmagan, ammo bahor asta-sekin o‘zining yaqinlashib kelayotganidan darak bermoqda. Sovuq oqshomlarni nima bilan qiziqarli qilish mumkin? Albatta, kinoga borish bilan!
2025-yil fevral oyi tomoshabinlarga haqiqiy kinomarafonni va’da qilmoqda. Roʻyxatda taniqli rejissyorlarning yangi filmlari, mashhur romanlarning ekranizatsiyasi, shuningdek, jahon festivallarida e’tirof etilayotgan filmlar bor.
“Любовь — боль”
Love Hurts
Janr: jangari, komediya.
Premyera sanasi: 6-fevral.
Ajoyib va quvnoq “Oskar” mukofoti sovrindori va shunchaki Ke Xyui Kuan ismli yirik qalb egasi yangi jangari filmda bizga yana pozitivlik va energiya ulashadi. Kartina rejissyori “Jon Uik” va “Dedpul 2” jangari filmlarida tryuklar rejissyori sifatida ishlagan Jonatan Eusebio hisoblanadi.
Sinopsis: Marvin Geybl Miluokining shahar chekkasida obroʻli rieltor sifatida muvaffaqiyatli hayot kechiradi. Bir kuni u bir vaqtlar muqarrar o‘lim oldidan tashlab ketgan Rouz ismli ayoldan sirli konvert oladi. Ma’lum boʻlishicha, Marvinni uning ukasi jinoiy avtoritet boʻlgan Naklz qidirmoqda. Ko‘chmas mulk savdosi bo‘yicha muvaffaqiyatli agentning tabassumi va xushmuomalaligi ortida jinoiy o‘tmish yashiringan.
“Моди: Три дня на крыльях безумия”
Modi: Three Days on the Wing of Madness
Janr: drama, komediya.
Premyera sanasi: 6-fevral.
Kino olamida yana shov-shuv ko‘tarildi: Jonni Depp 25 yillik tanaffusdan so‘ng yana rejissyorlik kursiga qaytishga qaror qildi. Uning yangi filmi italiyalik rassom Amedeo Modilyaniga bag‘ishlangan. Bosh rolni Rikkardo Skamarcho ijro etgan, Shrek surati tushirilgan telefon g‘iloflari ishqibozi Al Pachino ham koʻrinish beradi.
Sinopsis: Parij, 1916-yil. Qimmat restoranlarning doimiy mijozi va ayollarning sevimlisi bo‘lgan jozibali bezori Modilyani tanqidchilarga yoqish va o‘z asarlarini sotish uchun kiborlar hayoti girdobiga sho‘ng‘iydi, lekin har safar muvaffaqiyatsizlikka uchraydi. U deyarli umidsizlikka tushib, hamma narsani tashlab ketmoqchi bo‘ladi, ammo to‘satdan shaharga taniqli kolleksioner kelgani haqida xabar keladi. Modi o‘z hayotini o‘zgartirish va noma’lum rassomdan jahon miqyosidagi yulduzga aylanish imkoniyatiga ega bo‘ladi.
“Сент-Экзюпери”
Saint-Exupéry
Janr: drama, sarguzasht, biografiya.
Premyera sanasi: 6-fevral.
Agar siz Antuan de Sent-Ekzyuperining muxlisi boʻlsangiz, bu loyiha aynan siz uchun. Real voqealar asosida suratga olingan film “Kichik shahzoda” muallifi hayotining ko‘pchilikka ma’lum bo‘lmagan sahifalarini ochishga va’da beradi. Bosh rollarni Lui Garrel (Antuan de Sent-Ekzyuperi), Vinsent Kassel (Anri Giyome) va Dayan Kryuger (Noel Giyomet) ijro etgan. Film tanqidchilar tomonidan ijobiy baholandi, ular chuqur aktyorlik mahorati va atmosferani, davr ruhini hamda yozuvchining ichki dunyosi yetkazib berilganini ta’kidladi.
Sinopsis: 1930-yil. Argentinadagi fransuz havo pochtasi uchuvchisi Antuan de Sent-Ekzyuperi eng yaqin do‘sti va hamkasbi Anri Giyome bilan birgalikda tog‘lar orqali qisqaroq marshrut orqali yurishga qaror qiladi. Giyom And tog‘larida g‘oyib boʻladi, Sent-Ekzyuperi do‘stini qutqarish uchun xavfli tungi parvozga chiqadi. Bu halokatli sayohat uni nafaqat o‘zgartiradi, balki dunyoga mashhur “Kichkina shahzoda” kitobini yaratishga ilhomlantiradi, bu esa cheksiz tasavvur kuchining ramziga aylanadi.
“Разбитые сердца”
L’Amour ouf
Janr: musiqiy, drama, melodrama, jinoiy.
Premyera sanasi: 6-fevral.
Kinematografiya bizni 14-fevralga tayyorlay boshlaydi. Film Nevill Tompsonning “Jeki Jonserni sevadi, tushunarlimi?” romani asosida suratga olingan jinoiy melodrama bo‘lib, bosh rollarni Adel Ekzarkopulos va Fransua Sivil ijro etgan. Garchi tanqidchilar filmdan norozi bo‘lgan bo‘lsa-da, u tomoshabinlar tomonidan yetarlicha iliq qabul qilindi.
Sinopsis: Yosh Klotter yaxshi oiladan chiqqan kamtarin Jekini sevib qoladi, ammo ko‘cha hayoti uni qorong‘u tomonga tortib ketadi. Mash’um tasodif va xiyonat ularni uzoq yillarga ayirib yuboradi. Ular yana uchrashganlarida bir-birlari uchun yaratilganini tushunadi. Biroq uning yangi hayoti va eski dushmanlari qiz va yigitning birga bo‘lishiga yo‘l qo‘ymaydi.
“Капитан Америка: Новый мир”
Captain America: Brave New World
Janr: fantastika, jangari.
Premyera sanasi: 13-fevral.
Agar sizga melodramalar kamlik qilsa, Marvel bo‘sh vaqtingiz uchun o‘z rejalariga ega — 2025-yilda MKOning birinchi yirik relizi, “Lochin va Qishki askar” serialining davomi premyera qilinadi. Bosh rollarda: Entoni Maki, Xarrison Ford, Liv Tayler va Jankarlo Esposito. Rejissyor “B” kategoriyadagi filmlar muallifi Juliossa Ona hisoblanadi.
Sinopsis: AQShning yangi prezidenti Taddeus Ross kapitan Amerikani rasmiy lavozimga tayinlashga qaror qildi. Ammo ular oʻtmishda kelishmovchiliklarga duch kelgan va Sem bu yaxshi fikr ekanligiga shubha qiladi. Oʻsha kuni kechqurun prezidentga suiqasd uyushtiriladi. Uilson xoin Rossning yaqinlari orasida yashiringaniga ishonadi.
“Бриджит Джонс. Без ума от мальчишки”
Bridget Jones: Mad About the Boy
Janr: drama, melodrama, komediya.
Premyera sanasi: 13-fevral.
Mana, Sevishganlar kuni uchun asosiy syurpriz. 50 yoshida Bridjit Jons hammani (balki oʻzini ham) atigi 35 yoshda ekanligiga ishontirishga harakat qilmoqda. Boshqa tomondan qaraganda, bu bizga yosh shunchaki raqam ekanligini va hayotdagi tartibsizliklar odatiy hol ekanligini eslatib turadi. Eng yaxshi tomoni shundaki, loyiha bir vaqtning oʻzida striming va kinoteatrlarda namoyish etilmoqda. Demak, biror joyga borishga erinsangir, Peacock platformasiga murojaat qilasiz.
Sinopsis: Mark Darsi Sudanda fojiali tarzda halok bo‘lganidan so‘ng, Bridjit ikki farzandi bilan beva qoldi va onlayn tanishuvlar olamiga sho‘ng‘ishga qaror qildi. U yerda 30 yoshli chiroyli yigit bilan tanishadi va albatta, sarguzashtlar boshlanadi.
“Твой цвет”
Kimi no iro
Janr: anime, multfilm, musiqiy.
Premyera sanasi: 13-fevral.
Bayramda borish mumkin bo‘lgan yana bir yoqimli loyiha rejissyori Naoko Yamada bo‘lib, u “Форма голоса” ustidagi ishi bilan tanilgan. Anime qahramonlarning chuqur ichki hissiyotlari koʻrsatib berilgani uchun tanqidchilarning ijobiy baholariga sazovor bo‘ldi. Anime va sifatli drama muxlislari buni o‘tkazib yubormasligi kerak.
Sinopsis: ajoyib iste’dodga ega bo‘lgan yuqori sinf o‘quvchisi Totsuko atrofidagi odamlarning his-tuyg‘ulari rangini ko‘radi. Uning dunyosi baxt, zavq va xotirjamlik ranglari bilan tovlanadi, lekin bir rang unga o‘ziga xos bo‘lib tuyuladi, go‘yo taqdir unga oldindan belgilab qo‘ygandek. Totsuko, Kimi va ularning do‘sti Rui musiqiy guruh tuzganlarida, ijod bir-birlarini tushunishga yordam beradi.
“Пророк. История Александра Пушкина”
Janr: drama.
Premyera sanasi: 14 fevral .
Kinokartina, tabiiyki, buyuk rus shoiri hayotiga bag‘ishlangan biografik musiqali dramadir. Ammo, eng muhimi shundaki, Pushkin rolini “Anora” filmi uchun 2025-yilgi Oskar mukofotiga nomzodi qoʻyilgan Yura Borisov ijro etgan. Senga muxlislik qilamiz, Yura!
Sinopsis: Pushkin yosh, dadil va omma tomonidan seviladi. U har qanday balning yulduzi, muxlislar uni qo‘llarida ko‘tarib yuradi, qizlar esa uning e’tiboriga tushishni orzu qiladi. Ammo na katta homiylar, na sodiq do‘stlar, na shon-shuhrat uni badarg‘alar, duellar, pulsizlik kabi yovuz qismatdan qutqara olmaydi. Toki bir kun kelib hayotini yoritadigan, taqdiriga aylanadigan o‘sha yagona insonni uchratmaguncha. Biz chinakamiga tanib olishimiz kerak bo‘lgan dahoning taqdiri haqida hikoya.
“О, Канада”
Oh, Canada
Janr: drama.
Premyera sanasi: 20-fevral.
Kinokartina Rassel Banksning Foregone romaniga asoslangan va kanada-amerikalik hujjatli filmlar rejissyori Leonard Fayf haqida hikoya qiladi. Bosh rollarda Richard Gir (hozirvgi Leo) va Jeykob Elordi (yosh Leo), shuningdek, Uma Turman, Maykl Imperioli va Kristina Froset koʻrinish beradi. Aytishlaricha, film o‘lim, pushaymonlik va haqiqatni izlash mavzularini o‘rganadi, tomoshabinlarga o‘lim yoqasida turgan inson hayotiga chuqur nazar tashlashni taklif etadi.
Sinopsis: Leonard Fayf og‘ir ahvolda va kech bo‘lmasidan oldin o‘z tarixini ortiqcha bezaklarsiz aytib berishga ulgurmoqchi. Hujjatli filmlar rejissyori sifatida o‘z karyerasi bilan faxrlanishi mumkin, ammo uning karyerasi ortida yoqimsiz haqiqatlar yashiringan. Leonard rafiqasi Emma ishtirokida intervyuda qatnashishga rozi boʻladi hamda yoshligi haqidagi hikoyalari butun vaqt davomida o‘zi haqidagi afsonalar ortida yashiringan odamning haqiqatlarini ochib beradi.
“Настоящая боль”
A Real Pain
Janr: drama, komediya.
Premyera sanasi: 27-fevral.
Jessi Ayzenberg ikkinchi marta o‘zini film rejissyori va ssenariy muallifi sifatida sinab ko‘rmoqda va ochig‘ini aytganda, u buni yaxshi uddalamoqda. “Настоящая боль” AQSH Milliy kinotanqidchilar kengashi va Amerika kino san’ati instituti tomonidan 2024-yilning eng yaxshi filmlari ro‘yxatiga kiritilgan. Film, shuningdek, to‘rtta “Oltin globus” mukofotiga, jumladan, “Eng yaxshi musiqali yoki komedik film” nominatsiyasida sovringa sazovor bo‘ldi. Aktyor Kiran Kalkin esa “Eng yaxshi ikkinchi plandagi aktyor” mukofotiga ega chiqdi. Oskar mukofotining bir nechta nominatsiyalari haqida ham unutmaymiz. Buni o‘tkazib yubormaslik kerak, albatta.
Sinopsis: anchadan beri ko‘rishmagan amakivachchalar Devid va Benji sevimli buvisini xotirlash uchun Polsha bo‘ylab sayohatga chiqishadi. Ammo uzoq yillar davomida yig‘ilib qolgan gina-kuduratlar, qarama-qarshiliklar asta-sekin o‘z ta’sirini koʻrsatadi.
“Обезьяна”
The Monkey
Janr: qoʻrqinchli.
Premyera sanasi: 27-fevral.
Horror muxlislari xursand bo‘lsa arziydi! Osgud Perkins va NEON studiyasi muvaffaqiyatli “Ruh yig‘uvchi” filmidan keyin bir-birlarini tark etishni xohlamadilar va Stiven Kingning unchalik mashhur bo‘lmagan hikoyasini ekranlashtirish orqali muvaffaqiyatni takrorlashga qaror qildi. Bosh rollarni Teo Jeyms (“Divergent”), Tatyana Maslani (“Ayol-Xalk”) va Elayja Vud (“Uzuklar hukmdori”) ijro etgan.
Sinopsis: egizak aka-ukalar Bill va Xel chordoqda otasining eski o‘yinchoq maymunini topib oladi, dahshatli o‘limlar ketma-ketligi boshlanadi.
“Очи”
The Legend of Ochi
Janr: fentezi, oilaviy.
Premyera sanasi: 27-fevral.
A24 premyeralar bilan xursand qilishda davom etmoqda. Hali katta mashhurlikka erishmagan Isayya Sakson rejissyor va ssenariy muallifi sifatida oilaviy fentezini yaratmoqda. Umid qilamizki, uning birinchi ishi bizga yilning eng yaxshi filmlaridan birini taqdim etadi. A24 xo‘jayinlariga ishonish kerak. Bosh rollarni Helena Zengel, Uilliyam Defo, Finn Vulfxard va Emili Uotson ijro etgan.
Sinopsis: Yuri ismli qizcha okean o‘rtasidagi tog‘li orolda tug‘ilgan. Bu yerdagi qalin o‘rmonlarda ko‘plab yovvoyi hayvonlar yashaydi, ammo eng xavflisi sirli ochilar hisoblanadi. Ba’zilar bu faqat bolalar uchun ertak deb o‘ylashadi, boshqalar esa ularni dushman mavjudotlar deb hisoblashadi. Bir kuni Yuri o‘rmonda yo‘qolgan ochi bolasini topadi va uni ota-onasiga qaytarishga qaror qiladi.
“Клинер”
Cleaner
Janr: jangari, triller, drama.
Premyera sanasi: 27-fevral.
Film faqatgina “Kazino Royal” va “Zorro niqobi” filmlari bilan mashhur bo‘lgan rejissyor Martin Kempbell tufayli ro‘yxatga kiritildi, shuning uchungina loyiha katta qiziqish uyg‘otmoqda. Treyler ham ajoyib ko‘rinadi. Bosh rollarni esa Deyzi Ridli, Klayv Ouen va Taz Skaylar ijro etgan.
Sinopsis: radikal ekofaollar guruhi energetika kompaniyasining korrupsiyalashgan rahbarlarini fosh qilish uchun osmono‘par binodagi hashamatli ziyofatda 300 kishini garovga oladi. Ammo to‘da safida anarxiya manifesti sifatida garovga olinganlarni yo‘q qilishni rejalashtirgan haqiqiy telba bor. Faqatgina o‘tib bo‘lmas osmono‘par bino derazalarining tashqi tomonidagi avval maxsus kuchlar xodimi, hozir esa oddiy oyna yuvuvchi boʻlgan nozikkina qiz odamlarni halokatdan qutqara oladi.
