Oʻzbekiston kinoteatrlaridagi premyeralar (5-iyun)
Oʻzbekiston kinoteatrlarida “Балерина” jangari filmi, “Ганзель и Гретель: Миссия “Спящая красавица” multfilmi, “Моя мама волшебница” dramasi va boshqa premyeralar namoyishi boshlandi.
“Балерина”
Tajribali yollanma qotil ayol va bir vaqtning o‘zida professional balerina o‘z oilasining qotillarini ovlashni boshlaydi.
“Нэчжа побеждает Царя драконов”
Nechji va Aobinning ruhlari qutqarilgan bo‘lsa-da, ular jismonan tez orada yo‘q bo‘lib ketishi kerak. Tayi Chjenchjen ularning tanalarini tiklash uchun yetti rangli lotusdan foydalanishga qaror qiladi.
“Ганзель и Гретель: Миссия “Спящая красавица”
Qirollikni faqat mo‘jiza qutqara oladigan vaziyatda, Sehrgarlik xavfsizligi bo‘limi ishga kirishadi. Eng yaxshi superagent Gretel va uning epchil akasi Ganzel malikani sehrli uyquga ketishi kim uchun kerak bo‘lganini aniqlashi kerak. Kutilmagan hamkor, olijanob shahzoda Ragnar bilan birgalikda ular Ali Baba g‘ori va Drakula qal’asidan yovuz jodugarlar makoni va Shimoliy Qutbgacha bo‘lgan butun sehrli dunyoni ag‘dar-to‘ntar qilishi kerak. Yo‘lda ko‘plab jumboqlar va makkor dushmanlar bor, chunki bu yuqori darajadagi ertaknamo maxsus vazifadir. Ammo Ganzel va Gretel har qanday vazifani uddalay oladi.
“Джамбо и маленькое привидение”
Bezorilar Donni Jambo laqabi bilan atashgan — xuddi fil bolasidek, chunki u semiz, qo‘pol va har qanday sport o‘yinlarida mag‘lub bo‘ladi. Bolakay hammaga o‘zining nimagadir loyiq ekanini isbotlamoqchi va “Ovoz” vokal shousida ishtirok etishga qaror qiladi. Unga tanlovga tayyorgarlik ko‘rishda yordam berish uchun kichkina, ammo jozibali Meri arvohi chaqiriladi. Yangi do‘stlar birgalikda aql bovar qilmas sarguzashtga yoʻl oladi, bu jarayonda ular o‘zlariga ishonch hosil qilishi va haqiqiy g‘alaba ta’mini his qilishi kerak.
“Моя мама волшебница”
Parij. Olti farzandning onasi shifokorlardan o‘g‘lining hech qachon yura olmasligini eshitadi. Ammo u bunga rozi bo‘lish o‘rniga, oʻgʻlining hayotini quvonch va optimizmga to‘la sehrli sarguzashtga aylantiradi.
“Заклятие. Демон внутри”
Otasining sirli o‘limidan so‘ng Karolina onasi va o‘qituvchilari bilan tez-tez janjallashishni boshlaydi. Doim jahli chiqib, g‘alati ishlar qilib yurganidan o‘zi ham qo‘rqib ketadi. U tanasida paydo bo‘lgan belgi ichiga joylashib olgan va kundan-kunga kuchayib borayotgan qadimgi Misr iblisining ramzi ekaniga shubha qila boshlaydi. Karolina qaytish va otasiga aslida nima bo‘lganini tushunish uchun xavfli marosimdan o‘tishi kerak.