"Ajdarni qoʻlga oʻrgatish” filmi kinoteatrlarda oʻzbek tilida ham premyera qilindi

7-iyundan boshlab Oʻzbekiston kinoteatrlarida DreamWorks studiyasining “Ajdarni qoʻlga oʻrgatish” (“How to Train Your Dragon”) filmi oʻzbek tilida ham namoyish etilmoqda. Shuningdek, kinokartinani rus va ingliz tillarida ham tomosha qilish mumkin.

Kinokartinaga chiptalarni Afisha.uz saytida xarid qilish mumkin.

Syujetga koʻra, o‘smir yoshdagi Ikking ko‘p yillar davomida ajdarholar bilan urush olib borgan qahramon qabilasining an’analariga unchalik yaqin emas. Yigit kutilmaganda tishsiz ajdaho bilan do‘stlashadi, bu unga va boshqa vikinglarga dunyoni butunlay boshqa tomondan ko‘rishga yordam beradi.

Ma’lumot uchun, “Ajdarni qoʻlga oʻrgatish” 2010-yilda chiqqan xuddi shu nomdagi multfilmning remeyki hisoblanadi. Original multfilm esa britan yozuvchisi Kressida Koul asari asosida yaratilgan.