"Supermen" filmidan keyin dunyo boʻylab itlarni asrab olishga qiziqish keskin ortdi

10-iyul kuni “Supermen” filmi premyera qilindi. Dunyo, xususan, Oʻzbekiston kinoteatrlarida ushbu film namoyishlari davom etmoqda.

Film premyerasidan soʻng Kripto kuchukcha dunyo boʻylab uysiz hayvonlar uchun boshpanalarda kuchuklarni asrab olishga qiziqishning keskin ortishiga sabab boʻldi. Bu haqda The Wrap xabar berdi.

Woofz ma’lumotlariga ko‘ra, film premyerasidan so‘ng “menga yaqin joydagi uysiz hayvonlar boshpanasi” so‘rovlari 513 foizga, “qutqarilgan itni asrab olish” so‘rovi esa 163 foizga oshgan.

Filmdagi Kripto rejissyorning haqiqiy uy hayvoni — ssenariy ustida ishlagan Gann boshpana bergan Ozu laqabli qutqarilgan it asosida yaratilgan. U Ozuni o‘rgatishga qiynalganini tan oldi va o‘z-o‘zidan so‘radi: “Agar u super kuchga ega bo‘lsa-chi?”.

Ta’kidlanishicha, film chiqqandan so‘ng, odamlar ko‘proq boshpalarning kuchuklari va Kriptoga o‘xshash kuchuklarni izlay boshlagan. “Shnautserni asrab olish” so‘rovi 299 foizga oshgan.