“Yolg‘izlikning yuz yili” serialining ikkinchi mavsumi treyleri e’lon qilindi
E’lon qilingan sana: · 89
Netflix Gabriel Garsia Markesning “Yolg‘izlikning yuz yili” romani asosida suratga olingan serialning ikkinchi mavsumi treylerini taqdim etdi.
Yetti qismdan iborat yangi mavsum 5-avgust kuni namoyish etiladi. Ikki soatlik final epizodi esa 26-avgustda platformaga joylanadi. Syujet markazida yana avloddan-avlodga o‘tib kelayotgan la’nat bilan yashayotgan Buendia oilasi bo‘ladi.
Serialda Diego Vaskes, Marleyda Soto, Karlo Katanyo va boshqa aktyorlar rol ijro etgan. Rejissyorlar — Laura Mora va Karlos Moreno. Serialning ilk mavsumi 2024-yilda premyera qilinib, tanqidchilar tomonidan yuqori baholangan.