“O‘rgimchak odam: yangi kun” ilk dam olish kunlarida 927 mln dollar yig‘di

Marvel va Sony’ning “O‘rgimchak odam: yangi kun” filmi jahon prokatidagi ilk hafta oxirini 927 million dollarlik kassa yig‘imi bilan yakunladi. Bu kino tarixidagi ikkinchi eng muvaffaqiyatli start bo‘ldi.

Filmning 355 million dollari Shimoliy Amerika prokatiga to‘g‘ri keldi. Bu ko‘rsatkich ham tarixdagi ikkinchi eng yaxshi natija bo‘lib, faqat “Qasoskorlar: Intiho” filmidan ortda qoldi.

Xalqaro bozorlarda esa kartina 572 million dollar yig‘di. Eng yirik xorijiy bozor Xitoy bo‘lib, u yerda film 121 million dollar daromad keltirgan.

Mutaxassislar film muvaffaqiyatini nafaqat rekord darajadagi oldindan sotilgan chiptalar, balki tomoshabinlarning iliq qabul qilgani bilan ham izohlamoqda.

Kartina Rotten Tomatoes platformasida 90% ijobiy bahoga ega bo‘ldi, CinemaScore reytingida “A” bahosini oldi va PostTrak so‘rovnomasida maksimal 5 yulduz bilan baholandi.