“Paper tiger” kriminal dramasining ilk tizeri chiqdi

NEON “Yo‘qolgan shahar Z” va “Yulduzlarga” filmlari bilan tanilgan rejissyor Jeyms Greyning yangi kriminal dramasi — “Paper tiger” filmining ilk tizerini taqdim etdi.

Voqealar 1986-yilda Nyu-Yorkda bo‘lib o‘tadi. Aka-uka Gari va Irvin Perl “Amerika orzusi"ga erishishga urinadi, biroq rus mafiyasi bilan bog‘liq xavfli sxemaga aralashib qoladi. Boyib ketish imkoniyati sifatida boshlangan ish asta-sekin ularning oilalariga xavf tug‘dirib, aka-ukalar o‘rtasidagi ishonchni yemira boshlaydi.

Bosh rollarni Adam Drayver, Skarlett Yoxansson va Maylz Teller ijro etgan.

Film 13-noyabr kuni kinoprokatga chiqadi.