Robert Pattinson: “Betmen 2” butun franshizaga noodatiy nigohni taklif qiladi

Robert Pattinson Mett Rivzning “Betmen 2” filmi haqida gapirdi. Aktyorning so‘zlariga ko‘ra, ikkinchi qism birinchi filmga qaraganda ancha ambitsiyali bo‘ladi va qahramon tarixiga mutlaqo yangicha nigohni taklif qiladi, biroq original kartinadagi ayrim atmosfera unsurlari saqlanib qoladi. Bu haqda Variety xabar berdi.

“Bu juda katta loyiha. Men yaqinda birinchi film Betmen tarixiga boshqacha qarashni taklif qilganini aytgandim. Bu film esa yana bir yangi talqin bo‘ladi. U birinchi qismdan keskin farq qiladi, ammo qandaydir tarzda uning atmosferasidagi ayrim jihatlarni saqlab qoladi”, — dedi Pattinson.

“Betmen 2” syujeti hozircha sir tutilmoqda. Pattinson Bryus Ueyn obrazida yana qaytadi, birinchi qismdagi boshqa aktyorlar ham rollarini takrorlaydi. Filmda, shuningdek, Skarlett Yoxansson, Sebastyan Sten, Charlz Dens, Brayan Tayri Genri va Sebastyan Kox ishtirok etadi.

“Betmen 2” premyerasi 2028-yil 18-fevralga rejalashtirilgan. Mett Rivz ssenariyni 2025-yil iyunida yakunlagan. Shu tariqa, ikki filmning namoyishlari orasida qariyb olti yil vaqt o‘tadi: birinchi qism 2022-yil martida chiqqan.