2026-yil noyabrining 25 ta onlayn premyerasi: nimalarni tomosha qilish kerak?
Noyabr oyida striming platformalari ekran qarshisida oqshom o‘tkazish uchun ko‘plab yangiliklarni tayyorlagan.
Noyabr asta-sekin zaruratsiz uydan chiqish uchun qolgan so‘nggi sabablarni ham yo‘qqa chiqarmoqda. Kunlar qisqarib, oqshomlar uzaymoqda, ob-havo va havo sifati esa divan, yumshoq adyol hamda yaxshi film yoki serial ko‘plab ko‘ngilochar mashg‘ulotlarning o‘rnini bosa olishini tobora ko‘proq eslatmoqda. Noyabr oyining eng qiziqarli loyihalarini jamladik.
Filmlar
Bu “Пылающий”, “Поэзия” va “Тайное сияние” filmlari muallifi, janubiy koreyalik rejissyor Li Chan Donning yangi ishi. Loyiha zavoddan ishdan bo‘shatilganidan keyin kun kechirishga qiynalayotgan ishchi oilasi haqida hikoya qiladi.
“Возможная любовь” allaqachon nufuzli kinofestivallarda e’tirof etilgan. Li Chan Don Venetsiya kinofestivalida eng yaxshi film uchun “Kumush sher” mukofotini qo‘lga kiritgan. Bundan tashqari, Janubiy Koreya kartinani “Eng yaxshi xalqaro film” nominatsiyasida “Oskar” mukofotiga nomzod sifatida ilgari surgan.
Kimlarga yoqadi: Janubiy Koreya mualliflik kinosi va Li Chan Don ijodi muxlislariga, shuningdek, ijtimoiy mazmunga ega oilaviy dramalarni afzal ko‘radiganlarga. Biroq filmning davomiyligi va rejissyorning voqealarni shoshilmasdan hikoya qilish uslubini hisobga olish kerak. Bunday filmni shunchaki fon uchun qo‘yib tomosha qilib bo‘lmaydi.
Bu A24 va Kris Rokning loyihasi. Aytgancha, Rok uzoq tanaffusdan so‘ng to‘liq metrajli filmlarga rejissyor sifatida qaytmoqda. Shu bilan birga, u ssenariyni ham yozgan va rollardan birini ijro etgan.
Voqealar markazida iste’dodli aktrisa Misti Grin turadi. U bir vaqtlar Gollivudda katta muvaffaqiyatga erishgan, biroq vaqt o‘tishi bilan kino sanoatidan chetda qolgan. Endi u faoliyatini tiklashga va ikkinchi imkoniyatdan foydalanishga harakat qiladi. Bunday imkoniyat sobiq agenti va kinoijodkor Jordan tufayli paydo bo‘ladi. Ammo kasbga qaytish shaxsiy muammolar va o‘tmishdagi odamlar bilan murakkab munosabatlar sabab qiyinlashadi.
Bosh rolni “Медленные лошади” seriali orqali tomoshabinlarga tanish Rozalind Eleazar ijro etgan. Bu aktrisaning to‘liq metrajli kinodagi ilk katta bosh roli. Eleazar bilan birga Adam Drayver, Deniyel Kaluya, Anna Kendrik va Tofer Greys ham suratga tushgan.
Kimlarga yoqadi: Kino sanoatining sahna ortidagi hayoti haqidagi, Gollivudning odatiy dabdabasidan xoli hikoyalarni yoqtiradiganlarga hamda murakkab xarakterli qahramon ayollarga qiziquvchi tomoshabinlarga. Filmning asosiy yutug‘i Rozalind Eleazarning aktyorlik mahoratida. Uni birinchilardan bo‘lib tomosha qilganlar ssenariy va rejissyorlikka e’tiroz bildirgan bo‘lsa-da, aktrisaning ijrosini alohida ta’kidlagan.
Jessika Chesteyn kantri musiqasi olamiga qaytmoqda, ammo bu safar musiqaning o‘zi uchun emas. Garchi u yana qo‘shiqlarni mustaqil ijro etsa ham. “Хартленд” filmida aktrisa yigirma yildan beri ommadan uzoqda yashayotgan sobiq kantri yulduzi Misti Jons rolini o‘ynaydi. U endigina o‘z faoliyatini boshlayotgan yosh xonanda, jiyani Charli g‘oyib bo‘lganidan so‘ng Neshvillga qaytishga majbur bo‘ladi. Qizni qidirish jarayoni asta-sekin shahar va Mistining o‘tmishidagi sirlarni ochib beradigan tergovga aylanadi.
Film rejissyori — “Страна мечты” musiqiy dramasi bilan tanilgan Shana Feste. Uning tushuntirishicha, u murakkab va ziddiyatli qahramon yaratib, uni kantri musiqasi olamiga joylashtirmoqchi bo‘lgan. Biroq odatiy musiqiy drama o‘rniga neonuар elementlariga ega detektiv suratga olishni maqsad qilgan.
Kimlarga yoqadi: Jessika Chesteyn muxlislariga, musiqiy dramalar va chigal oilaviy sirlarga boy detektivlarni yoqtiradiganlarga.
Nikolas Keyj Amerika futbolini hech qachon tomosha qilmagan odamlarga ham nomi tanish bo‘lgan inson obrazini gavdalantirmoqda. “Мэдден” filmida u NFL’ning afsonaviy murabbiyi, sport sharhlovchisi va tarixdagi eng muvaffaqiyatli videoo‘yinlar turkumlaridan biriga o‘z nomini bergan Jon Medden rolini ijro etadi. Rejissyor — “Боец”, “Мой парень — псих” va “Афера по-американски” filmlari muallifi Devid O. Rassell.
Kartina Medden hayotining bir necha bosqichini qamrab oladi: El Devis (Kristian Beyl) bilan do‘stligidan tortib, Electronic Arts kompaniyasi bilan Madden NFL videoo‘yinini yaratishdagi hamkorligigacha. Aktyorlar tarkibida Meddenning rafiqasi Virjiniya rolidagi Ketrin Xan, Sienna Miller, Jon Maleyni va komik Sheyn Gillis ham bor.
Kimlarga yoqadi: Nikolas Keyj va Kristian Beyl muxlislariga, sport biografiyalari, Amerika futboli va ko‘ngilochar sanoatni o‘zgartirgan insonlar haqidagi hikoyalarni yoqtiradiganlarga. Ammo NFL qoidalari siz uchun mutlaqo tushunarsiz bo‘lsa ham, Meddenning hayoti o‘z-o‘zidan qiziqarli.
Ha, bu yana bir Rojdestvo dramediysi. Biroq odatiy romantik munosabatlar bu safar boshqacha talqin qilingan. Professional tansoqchi ayolga mashhur aktyorni qo‘riqlash vazifasi topshiriladi. Ortiqcha e’tibor tortmaslik uchun u o‘zini aktyorning sevgilisi sifatida ko‘rsatadi. Muammo shundaki, ular nafaqat begona odamlar, balki aktyorning oilasi oldida ham juftlik rolini o‘ynashiga to‘g‘ri keladi.
Tansoqchi Xanna Bruks rolini Leyton Mister, aktyor Jek Steplton rolini esa Jared Padaleki (“Сверхъестественное” serialidagi Sem) ijro etgan. Film 2022-yilda nashr etilgan Ketrin Sentерning The Bodyguard kitobi asosida suratga olingan.
Kimlarga yoqadi: Bayramona romantik komediyalar, soxta munosabatlar haqidagi hikoyalar va, ehtimol, Padaleki muxlislariga.
Lea Seydu yana bir murakkab oilaviy hikoyaning markazida. Unda odatiy hayot bir tongning o‘zidayoq izdan chiqadi. “Нежный монстр” filmida u eri o‘ta zararli materiallarni saqlash va tarqatishda gumon qilinayotgan konsert pianinochisi Lyusi rolini ijro etadi. Ishni o‘ta muhim ishlar bo‘yicha tergovchi Elza (Yella Xaaze) olib boradi. Kunlarning birida u demensiyadan aziyat chekayotgan otasi parvarishlovchi ayolga tegajog‘lik qilayotganini bilib qoladi. Har ikki ayol hayotidagi erkaklarning qorong‘i tomonlariga yuzlanishga majbur bo‘ladi.
Film rejissyori va ssenariynavisi — “Корсаж” kartinasi bilan tanilgan Mari Kroyser. Filmning yaratilish tarixi noodatiy va ancha og‘ir. 2020-yilda Kroyser Germaniyaning Die Zeit gazetasida bolalarga nisbatan jinsiy zo‘ravonlik va bunday materiallarni tarqatish bilan bog‘liq yirik tarmoq haqidagi jurnalistik surishtiruvni o‘qigan. Maqola rejissyorga shu qadar kuchli ta’sir qilganki, u mavzuni chuqurroq o‘rganishga qaror qilgan: nemis politsiyachilari, huquqshunoslar va psixologlar bilan suhbatlashgan.
Kimlarga yoqadi: Psixologik oilaviy dramalar va Yevropa mualliflik kinosiga qiziquvchi tomoshabinlarga. Biroq filmda tegajog‘lik, bolalarga nisbatan zo‘ravonlik va bunday jinoyatlarning yaqinlarga ta’siri kabi og‘ir mavzular yoritilishini hisobga olish kerak.
Aftidan, biz Zolushka haqida hamma narsani bilamiz: yo‘qolgan tuflicha, sehrgar ona, qovoqdan yasalgan arava, o‘gay ona va ikkita yovuz o‘gay opa-singil. Ammo Netflix ertakka boshqa tomondan qarashni taklif qilmoqda. Multfilmning bosh qahramonlari aynan asl hikoyada hasadgo‘y yovuz qahramonlar sifatida tasvirlangan opa-singillar bo‘ladi.
Rejissyorlar — Elis Syu va Jon Ripa. Syu uchun bu to‘liq metrajli film rejissyorligidagi debyut, Ripa esa “Райя и последний дракон” multfilmining rejissyorlaridan biri sifatida tanilgan.
Kimlarga yoqadi: Klassik ertaklarning zamonaviy talqinlari, sarguzasht animatsiyasi va opa-singillar o‘rtasidagi murakkab munosabatlar haqidagi hikoyalar muxlislariga. Aytgancha, loyiha nomi aslida “O‘gay opa-singillar” deb tarjima qilinsa, “Шаги"ning bunga nima aloqasi bor? Javobsiz savol.
Mark — deyarli hamma narsada omadi yurishmaydigandek tuyuladigan oddiy maktab o‘quvchisi. Sinfdoshlari uni mazax qiladi, o‘qish ham oson kechmaydi, jismoniy tarbiya mashg‘ulotlarida doimo oxirgi o‘rinda qoladi, o‘ziga bo‘lgan ishonchi esa deyarli yo‘q. Vaziyat yozda uning va onasining oldiga og‘ir jarohatdan tiklanayotgan sobiq dengiz maxsus bo‘linmasi harbiysi, amakisi Jeyk kelganida o‘zgaradi.
Jeyk rolini Kris Prett, uning jiyani Mark rolini esa Kennet Brananing “Белфаст” filmidan tanish Jud Xill ijro etgan. Bolaning onasi Sara rolini Linda Kardellini o‘ynagan. Rejissyor — “Ангелы Чарли” va “Терминатор: Да придет спаситель” filmlarini suratga olgan MakJi.
Film 2017-yilda nashr etilgan Way of the Warrior Kid kitobiga asoslangan. Uning muallifi Joko Villink haqiqatan ham AQSH harbiy-dengiz kuchlarining SEAL bo‘linmasida xizmat qilgan. Armiyadan ketgach, yozuvchi, podkast boshlovchisi va jismoniy tayyorgarlik bo‘yicha murabbiyga aylangan.
Kimlarga yoqadi: Ustoz va shogird munosabatlari haqidagi hikoyalar hamda “Каратэ-пацан” kabi filmlar muxlislariga. Ayniqsa, qahramon kutilmaganda paydo bo‘lgan superqobiliyat tufayli emas, balki asta-sekin o‘zini boshqarishni o‘rganib g‘alaba qozonadigan syujetlarni yoqtiradiganlarga.
Film real voqealarga asoslangan. Yaponiya Perl-Harborga hujum qilganidan so‘ng Amerika talabalar futbolining to‘rt nafar istiqbolli o‘yinchisi sport faoliyatini tashlab, dengiz piyodalari safiga qo‘shiladi. Endi ular mutlaqo boshqa hayotga — harbiy tayyorgarlik, Tinch okeani hududidagi janglar va Okinavaga qo‘shin tushirishga tayyorgarlik jarayonlariga duch keladi. Ammo urush o‘rtasida ham futbol uchun joy topiladi.
Bosh rollarni Nikolas Golitsin, Bill Skarsgard, Rey Nikolson va Tom Frensis ijro etgan. Rejissyor — “Уцелевший” filmi bilan tanilgan Piter Berg.
Kimlarga yoqadi: Harbiy dramalar, sport hikoyalari va Piter Berg filmlari muxlislariga. Biroq sportdagi g‘alaba asosiy voqeaga aylanadigan navbatdagi futbol filmini kutmaslik kerak. Bergning o‘zi ta’kidlashicha, bu, avvalo, urushning bahosi, do‘stlik va hayoti butunlay boshqacha kechishi mumkin bo‘lgan yoshlarning taqdiri haqidagi harbiy kartina.
Parij, 1830-yil. Shaharda vabo epidemiyasi avj olgan, ko‘chalarda ijtimoiy keskinlik kuchaymoqda, mamlakat esa Iyul inqilobi arafasida. Ana shunday notinch davrda og‘ir jismoniy nuqsoni bor, atrofdagilar maxluq deb hisoblaydigan inson paydo bo‘ladi. Kvazimodo ov obyektiga aylanadi. Uning o‘zi esa sevib qolgan ayoli Agnesni himoya qilishga harakat qiladi.
Loyihaning eng qiziqarli jihati uning tarixiy asosiga bog‘liq. Britaniyalik arxivshunos Adrian Glyu 1820-yillarda Parij Bibi Maryam soborini qayta tiklash ishlarida qatnashgan haykaltarosh Genri Sibsonning xotiralarini o‘rgangan. Sibson o‘z yozuvlarida boshqa ishchilar “bukri” deb atagan, yelkasi bukchaygan tosh ustasini tilga olgan.
Bu odam Viktor Gyugo Parijda yashagan davrga yaqin vaqtda shu shaharda yashab, ishlagan. Shundan kelib chiqib, yozuvchi uni uchratgan va Kvazimodo obraziga prototip sifatida olgan bo‘lishi mumkin degan taxmin paydo bo‘lgan. Rishe esa ushbu versiyani mustaqil hikoyaga aylantirishga qaror qilgan. Tomoshabinlarni ta’qiblar, siyosiy ziddiyatlar va tibbiy tajribalarga boy, hayotga yaqinroq tarixiy drama kutmoqda. Bosh rolni esa… voy, Vensan Kassel ijro etganmi?! Rejissyor — Kassel bilan avval ham bir necha bor ishlagan Jan-Fransua Rishe.
Kimlarga yoqadi: Tarixiy dramalar, fransuz kinosi va klassik adabiyotning qorong‘i talqinlari muxlislariga. Ayniqsa, Gyugoning tanish syujetining yangi va hayotga yaqinroq versiyasiga qiziquvchilarga.
Seriallar
Muhammad Ali hujjatli va badiiy filmlarda juda ko‘p tasvirlangan. Go‘yoki u haqida aytilmagan gap qolmagandek. Prime Videoʻning yangi seriali boks afsonasiga u jahon miqyosidagi timsolga aylanishidan oldingi davrda nazar tashlashni taklif qiladi. Loyihaning Ali haqidagi avvalgi ekran biografiyalaridan muhim farqi bor: bu uning hayoti haqida rasman ma’qullangan ilk badiiy serial. Bokschining bevasi Lonni Ali ijrochi prodyuser bo‘lgan, ijodkorlar esa uning merosi va oilaviy materiallaridan foydalanish imkoniyatini qo‘lga kiritgan.
Bosh rolni Jaalen Best ijro etgan. Uning otasi Kassius Kley-katta rolini Omari Xardvik, onasi Odessa “Byord” Kley rolini Dana Gurye, ukasi Rudi rolini esa Kay Parxem o‘ynagan. Serial muallifi, ssenariynavisi va shouranneri — “Кросс” kriminal loyihasi bilan tanilgan Ben Uotkins. U aynan bo‘lajak chempion shaxsiyatining shakllanishiga e’tibor qaratgan: ota-onasi va ukasi bilan munosabatlari, professional faoliyatidagi ilk g‘alabalari, Malkolm X bilan do‘stligi va 1960-yillar Amerikasidagi irqiy kamsitishlarga duch kelishi.
Kimlarga yoqadi: Sport biografiyalari, tarixiy dramalar va jamiyatni o‘zgartirgan insonlar haqidagi filmlar muxlislariga. Biroq serial boksdan uzoq odamlarga ham qiziq bo‘lishi mumkin: unda Muhammad Alining o‘z e’tiqodini himoya qilishni o‘rgangan inson sifatida shakllanishi hikoya qilinadi.
Katolik maktabida “Sher qizlar” nomli qizlar raqs jamoasi bor. Uning a’zolari astoydil ibodat qiladi va… muntazam ravishda qoidalarni buzadi. Kunlarning birida qizlar hududiy tanlovda g‘alaba qozonishga yordam berishi kerak bo‘lgan marosimni o‘tkazadi. Ammo ko‘p o‘tmay ular kelajakdan xabar beruvchi g‘alati vahiylarni ko‘ra boshlaydi. Asta-sekin voqealar maktab chegarasidan chiqib, shaharcha aholisi orasida haqiqiy diniy jazavaga aylanadi.
Bosh rollarni Kristina Bogich, Sara Bustani, Jina Mesarosh va Sofiya Uayli ijro etgan. Serial muallifi, ssenariynavisi va shouranneri — avval kanadalik maktab o‘quvchisi Rina Virkning haqiqiy qotilligi asosida “Под мостом” dramasini suratga olgan Kuinn Shepard. Shepard loyihani 1990-yillar va 2000-yillar boshidagi o‘smirlar haqidagi filmlarga, shuningdek, o‘sha davr erotik trillerlariga o‘ziga xos muhabbat izhori deb ta’riflaydi.
Kimlarga yoqadi: O‘smirlar haqidagi qo‘rqinchli filmlar, mistik hikoyalar va “Ведьма” hamda “Кэрри” kabi kartinalar muxlislariga. Ayniqsa, 1990-yillar oxiri va 2000-yillar boshidagi estetikaga qiziquvchilarga.
Yigirma sakkiz yil avval dahshatli fojia Kuinn opa-singillarining hayotini barbod qilgan. O‘shandan beri ular deyarli gaplashmaydi, ammo mahalliy maktabdagi yangi jinoyat ularni yana uchrashishga majbur qiladi. Charli maktab direktori va yosh o‘quvchi qizning o‘ldirilishiga guvoh bo‘ladi. Tergov esa asta-sekin oilaning o‘tmishi bilan bog‘liq sirlarga olib boradi.
Bosh rollarni Rouz Birn va Megan Feyxi ijro etgan. Serial ustida “Хранители”, “Американцы” va “Асока” seriallarining ayrim qismlarini suratga olgan rejissyor Stef Grin ishlagan. Asos bo‘lgan The Good Daughter romani muallifi Karin Sloter esa serial ssenariynavisi va shouranneriga aylangan.
Kimlarga yoqadi: Kriminal dramalar va qahramonlarning shaxsiy hayoti jinoyatning o‘zi kabi chigal bo‘lgan tergov hikoyalari muxlislariga. Shuningdek, Megan Feyxini yanada qorong‘i rolda ko‘rishni istaydigan “Белый лотос” tomoshabinlariga.
Yaxshi o‘g‘rilik puxta o‘ylangan rejaga ega bo‘lishi kerak. Bu safar esa reja birdaniga uchta vaqt o‘lchovini qamrab oladi. Serialning sakkiz qismi bitta voqeani — 12 oylik tayyorgarlik, jinoyatning 12 soati va undan keyingi 12 kunni hikoya qiladi. Ana xolos.
Syujet markazida obro‘sini yo‘qotgan FQB agenti Jek Striklend va amerikalik professional jinoyatchi Pol Galvin turadi. Ularning qarama-qarshiligi butun Yevropa bo‘ylab davom etadi, asosiy nishon esa Syurix ko‘chalari ostida chuqur joylashgan bank ombori bo‘ladi.
Jek Striklend rolini Entoni Maki ijro etadi, bu esa serialga bo‘lgan ishonchni anchagina susaytiradi. Galvin rolini esa “Пятьдесят оттенков серого” filmidagi Jeymi Dornan o‘ynagan. Shunga qaramay, serial ijodkorlari — Britaniyaning “Молчаливый свидетель” va “Дикий Билл” loyihalarida ishlagan Dudi Epplton va Jim Kibl. Rejissyorlar jamoasiga esa “Рассказ служанки”, “Ходячие мертвецы” va “Сокол и Зимний солдат” seriallarining ayrim qismlarini suratga olgan Kari Skogland boshchilik qilgan.
Kimlarga yoqadi: Kriminal trillerlar, o‘g‘rilik haqidagi hikoyalar va voqealar xronologik bo‘lmagan tartibda hikoya qilinadigan seriallar muxlislariga. Ayniqsa, “Бумажный дом” va “Большой куш” kabi loyihalarni yoqtiradiganlarga.
Endi esa Sem Benkman-Frid va Kerolayn Ellisonning hikoyasiga o‘tamiz. Ularning kimligini bilmaysizmi? Ular FTX kriptovalyuta birjasi asoschilari. Loyiha ularning munosabatlari va oxir-oqibat ko‘p milliard dollarlik imperiyaning qulashiga olib kelgan moliyaviy firibgarlik haqida hikoya qiladi.
Sem rolini “Расскажи мне всё” va “Властелины воздуха” seriallari bilan tanilgan Entoni Boyl, Kerolayn rolini esa “Озарк"dagi roli uchun uch marta “Emmi” mukofotini qo‘lga kiritgan Juliya Garner ijro etgan. Loyiha uchun “Игра в имитацию” filmi ssenariysi bilan tanilgan, moslashtirilgan ssenariy uchun “Oskar” olgan Grem Mur mas’ul. Serialga New York Magazine jurnalida Kevin T. Dugan va Jen Vechner tomonidan yozilgan jurnalistik surishtiruvlar asos bo‘lgan.
Haqiqiy voqea sud jarayoni bilan ham davom etgan. 2024-yilda Benkman-Frid firibgarlik va mijozlar mablag‘larini o‘zlashtirish uchun 25 yilga ozodlikdan mahrum etilgan. Aybini tan olib, sobiq sherigiga qarshi ko‘rsatma bergan Ellison esa ikki yillik qamoq jazosini olgan.
Kimlarga yoqadi: Moliyaviy firibgarliklar haqidagi hikoyalar hamda “Изобретая Анну” va “На миллиард долларов” kabi loyihalar muxlislariga. Ayniqsa, yosh texnologiya tadbirkorlari qanday qilib boshqalarning pullari ustidan deyarli cheksiz hokimiyatga ega bo‘lgani haqidagi haqiqiy voqealarga qiziquvchilarga.
Arxeologik ekspeditsiyalar odatda sinchkov mehnat, chang va qadimiy artefaktlarni izlash bilan bog‘lanadi. Ammo bitta topilma bir vaqtning o‘zida bir nechta olimning faoliyatini barbod qilib, ularni xalqaro fitnaga aralashtirib qo‘yishi mumkin bo‘lsa-chi? Arxeologik qazishma maydonida ishlayotgan to‘rt ayol shu qadar muhim narsa topadiki, bu haqda hozircha rahbariyatga xabar bermaslikka qaror qiladi. Ko‘p o‘tmay oddiy qazishmalar sirlar, kuzatuvlar va ancha shubhali qarorlarga boy sarguzashtga aylanadi.
Bosh qahramon Eliz rolini “Парки и зоны отдыха” seriali bilan tanilgan Emi Poler ijro etgan. Jamoada Jeraldin Vishvanatan, Antoniya Tomas va Fina Stratsa ham bor. Ekspeditsiya rahbari rolini esa Xyu Lorining o‘zi o‘ynagan. Serial ijodkorlari — Emi Poler va Mayk Shur. Ular avval “Парки и зоны отдыха” loyihasida birga ishlagan, Shur esa “В лучшем мире” va “Бруклин 9−9” seriallarini ham yaratgan. Jiddiy tajriba. Serialga Keyt Mayersning Excavations debyut romani asos bo‘lgan.
Kimlarga yoqadi: “Парки и зоны отдыха”, “В лучшем мире” va qahramonlar mutlaqo tayyor bo‘lmagan vaziyatlarga tushib qoladigan sarguzasht komediyalari muxlislariga. Shuningdek, Xyu Lori va Emi Polerni bitta hikoyada ko‘rishni istaydiganlarga.
“Бегущий по лезвию 2049” filmi chiqqaniga deyarli o‘n yil bo‘ldi va franshiza nihoyat qaytmoqda. Biroq bu safar kinoteatrlarga emas, mini-serial shaklida. Voqealar Deni Vilnyov filmidan 50 yil keyin sodir bo‘ladi.
Hikoya markazida o‘tmishini ortda qoldirishga urinayotgan qochoq Kora (Xanter Shafer) turadi. U yangi shaxsiyatni qabul qilib, replikantlarni ovlovchiga aylanadi. Kora umri tugashiga oz qolgan replikant Olven (Mishel Yeo) bilan birlashishga majbur bo‘ladi. Ular birgalikda qayta tiklangan shaharning nozik tartibini barbod qilishi mumkin bo‘lgan sirni yashirayotgan qochoqni ovlaydi.
Serial muallifi va shouranneri — avval Elizabet Moss ishtirokidagi “Сияющие девушки” serialida ishlagan Silka Luiza. Ridli Skott esa ijrochi prodyuserlardan biri. Usiz bo‘larmidi?
Kimlarga yoqadi: Asl “Бегущий по лезвию” va Vilnyov filmi muxlislariga, shuningdek, falsafiy ilmiy fantastika, kiberpank va inson tabiatining chegaralari haqidagi hikoyalarga qiziquvchilarga. Asosiysi, ijodkorlar franshizaning nafaqat vizual uslubini, balki noqulay savollarni o‘rtaga tashlash qobiliyatini ham saqlab qolishsa bo‘ldi.
Seriallarning yangi mavsumlari:
“Всё честно” (2-mavsum) — 4-noyabr, Hulu va Disney+;
“Чёрные голуби” (2-mavsum) — 5-noyabr, Netflix;
“Институт” (2-mavsum) — 8-noyabr, MGM+;;
“Властелин колец: Кольца власти” (3-mavsum) — 11-noyabr, Prime Video;
“Соперники” (2-mavsum) — 11-noyabr, Disney+;
“Шершни” (4-mavsum) — 20-noyabr, Paramount+;
“Перси Джексон и Олимпийцы” (3-mavsum) — 20-noyabr, Disney+;
“Дорогуша” (2-mavsum) — 26-noyabr, Sky.
