Sabrina Shtarke konserti

Xalqaro jazz festivali doirasida “O‘zbekiston” xalqaro forumlar saroyining ochiq maydonida Sabrina Shtarkening konserti bo‘lib o‘tadi.

Sabrina Shtarke — Edison Awards va Radio 6 Awards kabi bir qancha nufuzli mukofotlarga sazovor bo’lgan surinam-golland qo’shiqchisi. U o’zining debyut albomi “Yellow Brick Road” va “Do for Love” nomli qo’shig’ini 2008-yilda chiqardi. Blue Note tomonidan qayta chiqarilgan Yellow Brick Road albomi ketma-ket 52 hafta davomida chartlardan o’rin egalladi va platinum albomga aylandi.

Sabrinaning uslubi soul, folk, R&B va jazzning aralashmasidir. Uning musiqasi Nina Simone, Ella Fitsjerald, Emi Uaynxaus va boshqa buyuk ijrochilarning boy merosiga asoslangan.

Kirish bepul.

Tashkilotchi: O‘zbekiston madaniyati va san’atini rivojlantirish jamg‘armasi.