Sandra Ivan va Andriyash Yas konserti

“O‘zbekiston” xalqaro anjumanlar saroyining ochiq maydonida Xalqaro jaz festivali doirasida Sandra Ivan va Andriyash Yasning konserti bo’lib o’tadi.

Duetning hamkorligi 2013-yilda boshlangan. Sandra Ivan — pianinochi, xonanda va qo‘shiqlar muallifi. Andriyash Jas mohir saksofon ustasi, Vengriyadagi eng talabgor sozandalardan biridir. Uning repertuarida turfa musiqiy uslublar — fank, jaz, blyuz va soul mavjud.

Maftunkor juftlikning “I Heart Swing” mushtarak albomi 2019-yilda muxlislar e’tiboriga havola qilinib, u Vengriyaning barcha janrlar bo‘yicha “iTunes Top-200” sara to‘plamlarida nufuzli 4-o‘rinni egallagan.

Kirish bepul.

Tashkilotchi: Vengriya elchixonasi ko‘magida O‘zbekiston madaniyati va san’atini rivojlantirish jamg‘armasi.