Ay Yola guruhi
“Soho” restoranida “Ay Yola” guruhi konserti boʻlib oʻtadi.
Ay Yola — 2024-yilda tashkil etilgan Ufadagi boshqird etno-pop guruhi. Jamoa an’anaviy boshqirdcha motivlarni elektron musiqa, pop va rok kabi zamonaviy musiqa uslublari bilan uyg‘unlashtiradi.
Guruh 2025-yil 14-martda chiqarilgan “Homay” qo‘shig‘i bilan mashhurlikka erishdi. Kompozitsiya boshqirdlarning “Ural-botir” dostoni asosida yaratilgan bo‘lib, omad va baxt ramzi bo‘lgan afsonaviy Homay qushi haqida hikoya qiladi. Qo‘shiq tezda ommalashib, jahon chartlarida, jumladan, Shazamning top-5 ligida yuqori o‘rinlarni egalladi va Ladi Gaga kabi qo‘shiqchilarning treklarini ortda qoldirdi.
Ay Yola guruhi musiqasida quray, do‘mbira, qo‘biz kabi an’anaviy boshqird cholg‘ularidan foydalanishi va zamonaviy aranjirovkalari bilan ajralib turadi. Guruh Boshqirdiston madaniy merosini keng auditoriyaga yetkazishga intilib, ajdodlar an’analarini zamonaviy musiqiy yo‘nalishlar bilan uyg‘unlashtiradi.
Guruh tarkibi:
- Adel Shayhitdinova — vokalchi va gitarachi;
- Ruslan Shayxitdinov — bastakor va multiinstrumentalist;
- Rinat Ramazonov — vokalchi va quray ijrochisi.
Chipta narxi: 600 000 soʻm.
Joylar ushbu telefon raqami orqali band qilinadi: (+998) 93−232−9999.