Toshkentda “Damli sozlar navosi” II Xalqaro festivali bo‘lib o‘tadi
Joriy yilning 18−20 iyun kunlari Toshkentda “Damli so‘zlar navosi” ikkinchi xalqaro damli va zarbli cholg‘u asboblari festivali bo‘lib o‘tadi. Unda O‘zbekiston, shuningdek, Qozog‘iston, Qirg‘iziston, Ozarbayjon va Rossiyadan 1000 dan ortiq yosh musiqachilar ishtirok etadi. Ishtirokchilarning yosh chegarasi 16 yoshdan 35 yoshgacha.
Tadbir O‘zbekiston Davlat konservatoriyasida, shuningdek, shaharning turli joylarida — istirohat bog‘lari, maydonlarda, jumladan, Markaziy bog‘ va “Navro‘z” etnoparkida o‘tkazilmoqda. Konsertlar kechki payt boʻlib oʻtadi, ularga kirish bepul.
Mazkur festival yoshlar o‘rtasida damli va zarbli cholg‘u asboblarini ommalashtirish, yosh ijrochilarni qo‘llab-quvvatlash va mamlakatlar o‘rtasidagi madaniy aloqalarni rivojlantirishga qaratilgan. Tashabbuskorlar Madaniyat vazirligi, Davlat konservatoriyasi va O‘zbekiston Davlat simfonik orkestri edi.
Festival dasturi
18-iyun (chorshanba):
- 12:00−13:00 — tantanali ochilish marosimi, Davlat konservatoriyasida Timur Mirzayev rahbarligidagi talabalar cholg‘u asboblari orkestrasining chiqishi;
- 14:00−18:30 — Davlat konservatoriyasida ishtirokchilarning konsert dasturlari;
- 20:00−22:00 — Toshkent bog‘larida kechki konsertlar.
19-iyun (payshanba):
- 9:00−13:00 — Davlat konservatoriyasida orkestrlarning chiqishlari;
- 14:00−19:00 — Davlat konservatoriyasida ishtirokchilar dasturlari;
- 20:00−22:00 — Markaziy bog‘ va “Navro‘z” etnoparkida kechki konsertlar.
20 iyun (juma):
- 10:00−12:00 — Davlat konservatoriyasida xalqaro ilmiy anjumanning ochilishi;
- 16:00−18:00 — Davlat konservatoriyasida mahorat darslari;
- 20:00−21:00 — Tashkent City bog‘ida yopilish va g‘oliblarni taqdirlash marosimi .
Konsertlarga kirish bepul.
Festival nafaqat musiqiy tadbir, balki mintaqaning barcha hududlaridan kelgan yosh ijrochilar uchun muloqot, tajriba almashish va ilhom olish uchun ham maydon bo‘ladi.
Mukofot fondi
Festival g‘oliblariga quyidagilar beriladi:
- gran-pri — 15 mln so‘m;
- birinchi o‘rin — 10 mln so‘m;
- ikkinchi o‘rin — 5 mln so‘m;
- uchinchi o‘rin — 3 mln so‘m.