"Xotira yoʻlagi" koʻrgazmasi

O‘zbekiston Tasviriy san’at galereyasida Turkistondagi jadidchilik harakatiga bag‘ishlangan “Xotira yo‘lagi” ko‘rgazmasining ochilish marosimi bo‘lib o‘tadi.

Ko‘rgazma XIX asr oxiri hamda XX asr boshlaridagi Turkiston tarixi, xususan, jadid ma’rifatparlarining ta’lim islohoti, ularning jamiyat taraqqiyoti borasidagi fikrlari va huquqiy demokratik davlat qurishga urinishlariga oid materiallar bilan tanishish imkonini beradi.

Ko‘rgazma Milliy mass-mediani qo‘llab-quvvatlash va rivojlantirish jamoat fondi, Qatag‘on qurbonlari xotirasi davlat muzeyi, O‘zbekiston Fanlar Akademiyasi Tarix instituti va O‘zbekiston Tasviriy san’at galereyasi tomonidan tashkillashtirilmoqda.

Chiptalar narxi:

• Oʻzbekiston fuqarolari uchun — 10 000 soʻm;
• xorijliklar uchun — 50 000 soʻm.