“Toshkent va toshkentliklar” fotoko‘rgazmasiga arizalar qabuli boshlandi

8−20 iyul kunlari Community Coffee Bar maydonida o‘tkaziladigan yangi fotoko‘rgazmada ishtirok etish uchun “open call” (arizalarni qabul qilish) boshlandi. Unga asarlarida Toshkent va uning aholisi hayotini aks ettiruvchi fotograflar va havaskorlar taklif etiladi.

Ko‘rgazma mavzusi — “Toshkent va bu yerda yashaydigan odamlar”. Tashkilotchilar shaharni jonli, ko‘p qirrali va haqiqiy ko‘rsatadigan fotosuratlarni kutmoqda. Arxitektura, ko‘cha hayoti, portretlar, maishiy hayot, transport, yorug‘lik va ritm — bularning barchasi Toshkentni haqiqiy Toshkentga aylantiradi.

Qanday murojaat qilish kerak:

Onlayn shakldagi arizani toʻldirish kerak, unda quyidagilar kerak boʻladi:

• oʻzingiz va ishingiz haqida bir oz gapirib berish;
• aloqa ma’lumotlarini koʻrsatish;
• Koʻrgazma mavzusidagi 1−5 ta fotosuratga havolani ilova qilish.

Ishtirokchilar nimalarga ega boʻladi:

• Community Coffee Bar’dagi koʻrgazmada ishtirok etish;
• bittadan uchtagacha ishini joylashtirish (komissiya qarori bilan);
• press-relizda eslatib oʻtish;
• koʻrgazmaning ochilishiga taklifnoma;
• mualliflar ishtirokida podkast yozish.

Ishtirokchilar oʻz ishlarini chop etish xarajatlarini oʻzlari qoplaydi.

Barcha arizalar kurator qoʻmitasi tomonidan koʻrib chiqiladi. 10-avgustga qadar tashkilotchilar natijadan qat’iy nazar har bir ishtirokchi bilan bog‘lanadi.