Beauty Expo Uzbekistan 2026
CAEx Uzbekistan koʻrgazmalar zalida Oʻzbekiston Respublikasidagi goʻzallik sanoatining xalqaro ixtisoslashtirilgan koʻrgazmasi — Beauty Expo Uzbekistan 2026 boʻlib oʻtadi.
Beauty Uzbekistan — bu kosmetika ishlab chiqaruvchilari va distribyutorlari, estetik tibbiyot mutaxassislari, chakana sotuvchilar, salon bizneslari va professional parvarish xizmatlarini koʻrsatuvchi kompaniyalarni birlashtirgan professional B2B koʻrgazmasi. Tashrif buyuruvchilar yetakchi brendlar, yangi mahsulotlar va texnologiyalarga toʻgʻridan-toʻg'ri kirish imkoniyatiga ega boʻladilar, biznes aloqalarini oʻrnatadilar va goʻzallik sanoatidagi asosiy tendentsiyalar haqida birinchi boʻlib bilib oladilar.
2026-yilda koʻrgazmada 12 mamlakatdan 100 dan ortiq kompaniya va brendlar ishtirok etadi: Ozarbayjon, Gruziya, Ispaniya, Italiya, Xitoy, Qirgʻiziston, Koreya, BAA, Polsha, Rossiya, Oʻzbekiston va Shvetsiya. Koreya Respublikasi va Polshaning milliy pavilyonlarida goʻzallik sanoatining ilgʻor yechimlari va ushbu mamlakatlarning eksport salohiyati namoyish etiladi.
Koʻrgazma ikkita asosiy boʻlimni oʻz ichiga oladi:
Beauty Uzbekistan parfyumeriya va kosmetika sanoatining barcha sohalarini, jumladan, dekorativ va shaxsiy parvarish kosmetikasi, atirlar, shaxsiy gigiena vositalari va soch turmagi sanoatini qamrab oladi.
Beauty Derma Central Asia estetik tibbiyot, apparat kosmetologiyasi va qarishga qarshi parvarishga bagʻishlangan ixtisoslashgan boʻlimdir. Ushbu boʻlimda klinikalar va mutaxassislar uchun in’ektsiya usullari, lazerlar va keyingi avlod apparat texnologiyalari kabi zamonaviy yechimlar taqdim etiladi.
Odatdagidek, koʻrgazmada ixtisoslashtirilgan seminarlar, ekspert sessiyalari va professional muhokamalarni oʻz ichiga olgan keng qamrovli biznes dasturi namoyish etiladi. Dasturning alohida boʻlimlari estetik tibbiyot, balneologiya va kurort sanoatidagi zamonaviy tendentsiyalarga, jumladan, estetik tibbiyotga ilmiy yondashuvlarga (CYTOLIFE / Medtendergroup, Rossiya), shuningdek, balneologik uskunalar va gidroterapiya texnologiyalari (Physiotechnica, Rossiya) bagʻishlanadi.
Havola orqali oldindan roʻyxatdan oʻtish talab qilinadi.
Murojaat uchun telefon: (+998) 71−205−18−18.