Toshkentdagi Zamonaviy san'at markazining ochilish sanasi e'lon qilindi
Ochilish "Hikmah" koʻrgazmasi bilan boshlanadi. Sarlavha "donolik" deb tarjima qilinadi va idrok, aql va ilohiy bilim mavzulariga bagʻishlangan.
Toshkentdagi Zamonaviy sanʼat markazi 6-sentabr kuni ochiladi. Ushbu makon Markaziy Osiyoda noyobdir. Markazning badiiy dasturini CCA badiiy rahbari va bosh kuratori doktor Sara Raza boshqaradi.
6-sentabr kuni Toshkentda Zamonaviy san’at markazi ochiladi. Ta’kidlanishicha, ushbu makon Markaziy Osiyodagi noyob maskan hisoblanadi. Markazning badiiy dasturiga CCA badiiy direktori va bosh kuratori, doktor Sara Raza rahbarlik qiladi.
1912-yilda qurilgan va rekonstruksiya qilingan binoda joylashgan madaniy muassasa uchrashuvlar hamda ijodiy hamkorliklar uchun jonli makonga aylanadi. Ko‘p yo‘nalishli dastur zamonaviy san’at, performans, kino, dizayn, adabiyot va musiqa sohalarida faoliyat yuritayotgan taniqli hamda yangi ijodkorlarni birlashtiradi.
Markazda ko‘rgazmalardan tashqari kutubxona, restoran va konsept-do‘kon ham faoliyat yuritadi. U haftasiga olti kun san’at va madaniyatga qiziquvchi barcha tashrif buyuruvchilar uchun ochiq bo‘ladi.
Ochilish “Hikmah” (“Hikmat”) nomli ko‘rgazma bilan boshlanadi. Ushbu loyiha markazning kelgusidagi rivojlanish yo‘nalishiga ohang beradi. Ko‘rgazma nomi hikmat, idrok, intellekt va ilohiy bilim mavzulariga murojaat qiladi. Loyiha binoning me’morchiligi bilan muloqot asosida yaratilgan sayt-spetsifik san’at asarlarini o‘z ichiga oladi.
Ko‘rgazma ishtirokchilari orasida Muhannad Shono, Nari Uord, Shoxruh Rahimov, Tariq Kisvanson, Nadia Kaabi-Linke (Solomon R. Guggenheim Museum kolleksiyasidan taqdim etilgan asar bilan), Kimsooja, Ali Cherri, shuningdek Vladimir Pan, Daribay Saipov va Baxtiyor Saipovning I. V. Savitskiy nomidagi San’at muzeyi to‘plamidan o‘rin olgan asarlari mavjud.
Avvalroq, markazning 21-martga belgilangan ochilishi keyinga qoldirilgani haqida xabar berilgan edi.