Nukusda Orol madaniyati sammiti o‘tkaziladi
E’lon qilingan sana: · 30
11−13-sentabr kunlari Nukus shahrida Orol madaniyati sammiti bo‘lib o‘tadi. Bu haqda davlat rahbari tanishgan madaniyat va san’at sohasidagi ustuvor loyihalar taqdimotida ma’lum qilindi.
Sammit madaniyat, ilm-fan, me’morlik, dizayn va ekologiya sohalari vakillarini bir maydonda jamlaydi. Ishtirokchilar Orolbo‘yi hududining barqaror rivojlanishi, madaniy merosni asrash va zamonaviy yondashuvlar bo‘yicha fikr almashadi.
Shuningdek, 2027-yil yanvar oyida “Aral School” xalqaro dasturining Orol dengizi havzasi iqlimi va landshaftiga bag‘ishlangan yangi mavsumi boshlanishi rejalashtirilgan. Loyiha hududni ilmiy va ijodiy nuqtai nazardan o‘rganishga qaratilgan.