O'zbekiston bozoriga «Яндекс.Еда» xizmati kirib keldi

E’lon qilingan sana: · 674
O'zbekiston bozoriga «Яндекс.Еда» xizmati kirib keldi

Yandex O‘zbekiston bozori uchun yangi xizmat — «Яндекс.Еда» nomi bilan ham tanilgan Yandex Eats xizmatini ishga tushirdi.

Xizmatdan foydalanish uchun Apps Store, Play Market`dan Yandex Eats ilovasini yuklab olish kifoya yoki YandexGO`da «Еда» bo‘limini tanlash kifoya. Bundan tashqari, xizmatga buyurtmani saytda ham berish mumkin. To’lov uchun ilovaga «bog'langan» bank kartasini yoki qabul qilingandan keyin naqd pulni tanlash mumkin.

Buyurtma qilingan paytdan boshlab belgilangan manzilga yetkazib berishgacha bo’lgan o’rtacha kutish vaqti 30 daqiqa. Ilovada barcha bosqichlarni kuzatish mumkin — bu buyurtma hozir qaysi bosqichda va kuryer qayerda ekanligi haqida ma’lumot beradi.

Toshkent boʻylab joylashgan 250 dan ortiq restoranlar, jumladan FeedUp, Bon!, Oqtepa Lavash, Yaponamama va boshqalar Yandex Eats’ga allaqachon qoʻshilgan. Shu bilan birga, foydalanuvchilar do’kon katalogidagi tovarlarni tanlashlari mumkin: oziq-ovqat, ichimliklar, gullar, sovg’alar. Mavjud do’konlar orasida The Loaf, EcoVkuz, GOODVEEN Flowers House, Red Dragon, Hobby Games va boshqalar mavjud. Hamkorlar ro’yxati yangilanib boriladi.

«Biz O‘zbekistonda Yandex Eats’ni rivojlantirish uchun katta imkoniyatlarni ko‘rmoqdamiz. Bu Yandex Go uchun muhim bozorlardan biri bo’lib, ko’pchilik allaqachon brend bilan tanish. Bu yerda restoran biznesi yaxshi rivojlangan va har kim ham o’z yetkazib berish xizmatiga ega emas. Shuning uchun hamkorlar va foydalanuvchilar uchun biz oziq-ovqat va mahsulotlarni yetkazib berishni shahar aholisi uchun yana bir qulay va tezkor kundalik ssenariyga aylantirishga yordam beradigan yuqori sifatli va texnologik xizmatni taklif qilishga tayyormiz», — deydi Yandex Eats xalqaro rivojlanish bo‘limi rahbari Natalya Loza.

Dastlab foydalanuvchilar uchun buyurtmalarni yetkazib berish xizmati bepul bo’ladi.

Telegram kanalimizga obuna bo‘ling