Ramazon Hayit kuni Toshkentda jamoat transporti soat 4:00 dan boshlab harakatlanadi
E’lon qilingan sana: · 80
![Ramazon Hayit kuni Toshkentda jamoat transporti soat 4:00 dan boshlab harakatlanadi](/uploads/media/2023/04/fa34f9752de05486ab7b5be7410e495e_l.jpg)
Ramazon Hayitining birinchi kuni — 21-aprelda Toshkent metropoliteni odatdagidan bir soat erta — soat 4:00 dan ishlay boshlaydi, deya xabar berdi metropoliten matbuot xizmati.
Juma kuni poyezdlar oralig‘i ish kunlari jadvali bilan to‘g‘ri keladi. Kelgusi dam olish kunlarida poyezdlar dam olish kunlari jadvaliga muvofiq soat 5:00 dan harakatlanadi.
«Toshshahartransxizmat» 21-aprel kuni soat 4:00 dan 7:00 gacha Ramazon oyi tugashi munosabati bilan bayram namoziga qatnashish niyatida bo‘lgan aholi uchun maxsus avtobus yo‘nalishlari harakatlanishini ma’lum qildi.