Dam olish kunlari yomg‘ir yog‘ishi kutilmoqda

O’zgidromet`ning xabar berishicha, 20-oktabr kuni O‘zbekiston hududining katta qismida kam bulutli va iliq ob-havo saqlanib turadi, havo harorati +24…+27 daraja bo‘ladi.

21-oktabr kuni shimoli-g‘arbiy hududlardan bulutlilik O‘zbekistonning barcha hududlariga tarqaladi. 22-oktabr, yakshanba kuni respublikaning katta qismida yog‘ingarchilik kutilmaydi.

Dam olish kunlari havo harorati kechalari +7…+12 daraja, kunduz kunlari +18…+23 daraja atrofida bo‘ladi.

Poytaxtda 20−22-oktabr kunlari havo biroz bulutli bo‘ladi, vaqti-vaqti bilan o‘zgarib turadi, asosan yog‘ingarchilik kutilmaydi, faqat 21-oktabrda kunning ikkinchi yarmida biroz yomg‘ir yog‘ishi mumkin. Shamol sharqdan 5−10 m/s tezlikda esadi. Harorat kechalari +10…+13 daraja, kunduz kunlari +20…+23 daraja bo‘ladi.