“Prezident trassasi”ning bir qismi toʻrt kunga yopiladi

IIV Yo‘l harakati xavfsizligi boshqarmasi matbuot xizmati 23-yanvar soat 13:00 dan 26-yanvar soat 24:00 ga qadar Toshkent shahrining Mirzo Ulug‘bek tumanidagi Do‘rmon yo‘li ko‘chasining bir qismi yopilganligi haqida xabar berdi. Zamonaviy yo‘l yotiq chiziqlarini chizish ishlari olib borilishi munosabati bilan avtotransport vositalari harakati qisman cheklanadi.

Poytaxt aholisi va mehmonlariga Mingbuloq, G‘azalkent va boshqa ko‘chalarga Temur Malik ko‘chasi orqali borish taklif qilinmoqda.