"Red Wings" Namangan va Qozon oʻrtasida to‘g‘ridan-to‘g‘ri reyslarni yoʻlga qoʻymoqda

Rossiyaning “Red Wings” aviakompaniyasi Qozon — Namangan — Qozon yo‘nalishi bo‘yicha muntazam yo‘lovchi qatnovlarini yo‘lga qo‘ymoqda, deb xabar berdi Uzbekistan Airports axborot xizmati.

Shaharlar oʻrtasidagi aviaqatnovlar 2024-yilning 12-fevralidan boshlanishi va 2024-yilning 25-martigacha davom etishi rejalashtirilgan. Parvozlar haftada bir marta dushanba kunlari SU95 rusumidagi samolyotlarda muntazam ravishda amalga oshiriladi.

Ma’lumot uchun, Red Wings aviakompaniyasi Oʻzbekistonga 12 ta yoʻnalish boʻyicha parvozlarni amalga oshiradi:

• Maxachkala — Buxoro — Maxachkala (chorshanba va juma kunlari);
• Maxachkala — Namangan — Maxachkala (chorshanba va shanba kunlari);
• Maxachkala — Urganch — Maxachkala (shanba kunlari);
• Maxachkala — Toshkent — Maxachkala (dushanba, juma va yakshanba kunlari);
• Samara — Toshkent — Samara (seshanba kunlari);
• Samara — Urganch — Samara (payshanba kunlari);
• Moskva — Buxoro — Moskva (dushanba va juma kunlari);
• Yekaterinburg — Samarqand — Yekaterinburg (shanba kunlari);
• Yekaterinburg — Buxoro — Yekaterinburg (chorshanba va payshanba kunlari);
• Yekaterinburg — Toshkent — Yekaterinburg (seshanba va juma kunlari);
• Qozon — Samarqand — Qozon (dushanba kunlari);
• Qozon — Toshkent — Qozon (payshanba kunlari).

“Red Wings” — Domodedovo aeroportida joylashgan Rossiya aviakompaniyasi boʻlib, muntazam va charter reyslarni amalga oshiradi.