“Olmazor"–"Yangihayot” bekatlari oralig‘ida poyezdlar harakati bir tomonlama tashkil etiladi

Toshkent metropolitenida 26-mart kuni soat 23:00 dan 00:00 ga qadar “Chilonzor” yo‘nalishining “Olmazor"-"Yangihayot” (4-bekat) bekatlari oralig‘ida poyezdlar harakati bir tomonlama (челнок), oraliq vaqt intervallari saqlangan holda tashkil etiladi. Bu haqda “Toshkent metropoliteni” DUK matbuot xizmati xabar berdi.

Ta’kidlanishicha, bu xavfsizlikni ta’minlash bo‘yicha rejadagi profilaktik ishlarning bajarilishi munosabati bilan tashkil etilmoqda. Shuningdek, “Yangihayot” (4-bekat) va “Chinor” (5-bekat) bekatlari oralig‘ida bu vaqt davomida bepul avtobus harakati yo‘lga qo‘yiladi.