Namanganda 63-xalqaro gullar festivali bo‘lib o‘tadi

E’lon qilingan sana· 2 852
Namanganda 63-xalqaro gullar festivali bo‘lib o‘tadi
Namanganda 19-maydan 23-iyunga qadar xalqaro gullar festivali bo‘lib o‘tadi. Oltmish uchinchi bor oʻtkaziladigan festivalga 3 millionga yaqin mehmonlar tashrifi kutilmoqda, deb xabar bermoqda Uzbekistan Travel.

Festival an’anaviy avtoparad bilan boshlanadi. Tabiiy gullar bilan bezatilgan 200 dan ortiq turli rusumdagi avtomashinalar viloyat markazining asosiy ko‘chalari bo‘ylab Namangan xalqaro aeroporti oldidan Zahiriddin Muhammad Bobur nomidagi madaniyat va istirohat bog‘i oldigacha bo‘lgan 10 kilometrdan ziyodroq yo‘lni bosib o‘tadi.

Bu yil festivalga 40 dan ortiq mamlakatdan mehmonlar tashrifi kutilmoqda. Ular orasida diplomatik korpus vakillari, Namangan bilan birodarlashgan viloyat va shaharlar mutasaddilari, hamkor qoʻshma korxonalarning chet ellik rahbarlari ham qatnashishi rejalashtirilgan.

Festivalda Hindiston, Xitoy, Gollandiya, Turkiya, Ozarbayjon, Yaponiya va Janubiy Koreya davlatlari o‘z gulchilari, gullari va gullar bilan bezalgan maydonlari bilan ishtirok etadilar.

Tadbir Turizm qo‘mitasi va Namangan viloyati hokimligining turizm boshqarmasi hamkorligida tashkil etilmoqda.

Afisha.uz saytidagi ma‘lumotlarni ko‘paytirish, nusxalash, tarqatish va boshqa maqsadlarda foydalanish faqat tahririyatning yozma ruxsati bilan mumkin. Foydalanuvchi kelishuvi
Elektron OAV guvohnomasi №0400. Berilgan sanasi 13-avgust 2019-yil
Muassis: «Afisha Media» MChJ
Bosh muharrir: Sapayeva Galina Vyacheslavovna
Manzil: 100007, Toshkent, Parkent ko‘chasi, 26А / Pochta: info@afisha.uz
© 2005-2024 Afisha.uz
«Afisha Media» MChJ