"Bunyodkor" stadioni atrofidagi yoʻllar mashinalar uchun vaqtincha yopildi
E’lon qilingan sana: · 116
Bugun, 10-oktyabr kuni “Bunyodkor” stadionida futbol boʻyicha Oʻzbekiston milliy terma jamoasi JCh 3-saralash bosqichi 3-turi doirasida Eron bilan bahs olib boradi. Mazkur uchrashuv munosabati bilan stadion atrofidagi yoʻllarda mashinalar harakati vaqtincha cheklandi.
Ta’kidlanishicha, Chilonzor tumanining quyida keltirilgan ko‘chalarda soat 16:00 dan soat 22:00 gacha bo‘lgan vaqt oralig‘ida avtotransport vositalari harakati vaqtinchalik cheklandi:
- Bunyodkor ikkinchi darajali ko‘chasidan-Cho‘ponota ko‘chasigacha bo‘lgan qismi;
- KHAY va Muqimiy koʻchalarini bogʻlab turuvchi Chilonzor koʻchasi.
IIB YXHB yuzaga kelayotgan noqulayliklar uchun uzr so‘rab, haydovchilardan aylanma yo‘llardan foydalanishni tavsiya qildi.