Toshkentga kirish joylarining to‘rttasida yangi darvozalar tashkil etiladi

31-oktyabrdan boshlab Toshkentga to‘rtta kirish darvozasining eskiz konsepsiyasini ishlab chiqish bo‘yicha ochiq xalqaro tanlov boshlandi.

“Loyiha zamonaviy va an’anaviy g‘oyalar uyg‘unlashgan Toshkentni o‘zgartirish yo‘lidagi yana bir qadam bo‘lishi kerak,” — deyiladi “Tashkent Invest” kompaniyasi xabarida.

Darvozani o‘rnatish bo‘yicha qurilish ishlarini 2024-yilda boshlash rejalashtirilgan. Ular to‘rtta lokatsiyada quriladi:

• Parkent va Ohangaron shossesining kesishgan joyida “Rohat” posti;
• “Xuton” masjidi yonidagi “Bektemir” posti;
• “Abu Saxiy” bozori yaqinidagi “Erkin” posti;
• “Uch qahramon” posti Amir Temur shohko‘chasi va Katta halqa yo‘li chorrahasi yaqinida.

Ishtirokchi bo‘lish uchun 2024-yil 7-noyabrdan kechiktirmay tanlovning info@tashkentinvest.com elektron manziliga ariza yuborishingiz lozim.

Muhim sanalar:

• 2024-yil 31-oktyabr — arizalar qabul qilish boshlanadi;
• 2024-yil 7-noyabr — arizalarni qabul qilish yakunlanadi;
• 2024-yil 11-noyabr — finalchilar e’lon qilinadi;
• 2024-yil 30-noyabr — Tanlov g‘olibi e’lon qilinadi'

Tanlov YUNESKO tavsiyalariga muvofiq o‘tkaziladi va g‘oliblar quyidagi mukofotlar bilan taqdirlanadi:

• Birinchi o‘rin — 100 mln soʻm;
• Ikkinchi o‘rin — 50 mln soʻm;
• Uchinchi o‘rin — 30 mln soʻm.