Magic City va Humo Arena yaqinidagi ko‘chalar 10-dekabrgacha yopildi

Shayxontohur tumani Furqat va Beshyogʻoch ko‘chalari 22-noyabrdan 10-dekabrga qadar yopildi. Ushbu davrda barcha harakat ishtirokchilari ushbu yoʻllardan foydalanishi cheklandi.

22-noyabr kuni soat 00:00 dan 10-dekabr kuniga qadar:

• Furqat koʻchasining Beshyogʻoch maydonidan Seul koʻchasi keshishmasigacha boʻlgan bir tomonlama yoʻnalishi;
• Beshyogʻoch ko‘chasining Furqat, Afrosiyob va Islom Karimov koʻchalari kesishmalari oralig‘idagi qismida ikki tomonlama yoʻnalish barcha harakat ishtirokchilari uchun cheklanadi.

Bunga tumanda isteʼmolchilarni energiya resurslari bilan barqaror taʼminlashni yaxshilash maqsadida yuqori voltli elektr uzatish tarmoqlarini yer osti kabel yotqizish ishlari olib borilayotgani sabab qilib koʻrsatilgan.