Hazrati Imom kompleksi yaqinidagi asosiy koʻcha 5 oyga yopiladi
E’lon qilingan sana: · 107
Poytaxtning Olmazor tumanidagi Qorasaroy koʻchasi transport vositalari uchun uzoq muddatga yopiladi. Bu haqda Toshkent shahar hokimligi matbuot xizmati xabar berdi.
Ta’kidlanishicha, ushbu koʻchada qurilish-ta'mirlash ishlari olib boriladi. Shu sababli ushbu koʻchada 2025-yil 2-apreldan sentyabr oyigacha transport vositalari harakati vaqtincha toʻxtatiladi.
Yopiladigan qism: Abdulla Qodiriy ko‘chasi bilan kesishgan joydan Nurafshon ko‘chasi bilan kesishgan joygacha.
Hokimlik noqulayliklar uchun uzr soʻrab, haydovchilarga muqobil yoʻnalishlardan foydalanib, oʻz yoʻllarini oldindan rejalashtirishni tavsiya qilgan.