Fargʻonadan Urumchiga aviaparvozlar yoʻlga qoʻyiladi
E’lon qilingan sana: · 82
Oʻzbekiston va Xitoyni bogʻlovchi Farg‘ona — Urumchi — Farg‘ona yo‘nalishida aviaqatnovlar yo‘lga qo‘yildi. Bu haqda viloyat hokimligi axborot xizmati xabar berdi.
Ta’kidlanishicha, parvozlar 18-apreldan boshlab amalga oshiriladi.
Xitoyda amaliy tashrif bilan borgan viloyat hokimi Xayrullo Bozorov boshchiligidagi delegatsiya 14-aprel kuni Urumchi shahrida yangi aviaqatnovga tantanali start berish marosimida ishtirok etdi.
“Mazkur aviaparvoz ikki hududni bog‘lash, savdo, iqtisodiy-investitsiyaviy hamkorlikni rivojlantirish, turizm yo‘nalishida muhim ahamiyat kasb etadi”, — deyiladi xabarda.