Oʻzbekiston terma jamoasining BAA va Qatarga qarshi oʻyinlari katta ekranda namoyish etiladi

Toshkent shahridagi O‘zbekiston Milliy kutubxonasi oldidagi maydonda 5−10 iyun kunlari bir qator yoshlar tadbirlari bo‘lib o‘tadi. Bu haqda Gazeta.uz xabar berdi.

Qayd etilishicha, tadbirlarning markaziy voqealari O‘zbekiston milliy terma jamoasining 2026-yilgi Jahon chempionatiga chiqishi uchun hal qiluvchi ahamiyatga ega bo‘lgan futbol o‘yinlari translyatsiyalari bo‘ladi:

• BAA — O‘zbekiston (5-iyun, Abu-Dabi);
• O‘zbekiston — Qatar (10-iyun, Toshkent).

Tadbirlar “O‘zbekiston — iste’dodlar zamini” (Uzbekistan: Land of Talents) deb nomlangan yoshlar harakati doirasida o‘tkaziladi.

Ma’lumot uchun, faoliyatlar markazi — O‘zbekiston Milliy kutubxonasi oldidagi maydon bo‘lib, u yerda futbol uchrashuvlari namoyishi, konsertlar va motivatsion shoular bo‘lib o‘tadi. Tadbirlar Toshkent shahar hokimligi tashabbusi bilan, hukumat ko‘magi va bir qator kompaniyalar hamkorligida tashkil etilmoqda.

Ishtirok etish uchun Telegram’dagi @land_uzbot orqali ro‘yxatdan o‘tish talab etiladi.