Prezident O‘zbekiston terma jamoasi futbolchilariga davlat mukofotlari va avtomobillarni topshirdi

10-iyun kuni Toshkentdagi “Bunyodkor” stadionida Qatar bilan bo‘lib o‘tgan o‘yindan so‘ng O‘zbekiston prezidenti Shavkat Mirziyoyev 2026-yilgi Jahon chempionatiga yo‘llanmani qo‘lga kiritgan milliy terma jamoa futbolchilariga davlat mukofotlari va sovg‘alarini topshirdi.

Prezident qaroriga ko‘ra, saralash bahslarida o‘zini ko‘rsatgan futbolchilar o‘zbek futboli rivojiga qo‘shgan hissasi va tarixiy natija — O‘zbekistonning jahon chempionatida ilk bor ishtirok etishi munosabati bilan taqdirlandi. Qolaversa, har bir futbolchiga prezident sovg‘asi sifatida BYD avtomobili topshirildi.

Marosim O‘zbekiston Qatarni yirik 3:0 hisobida mag‘lub etganidan so‘ng bo‘lib o‘tdi.