Magic City ro‘parasida 2304 xonadondan iborat yangi kvartal quriladi
E’lon qilingan sana: · 119
Toshkentda “Humo Arena"dan uzoq boʻlmagan joyda, “Magic City” bogʻining roʻparasida yana bir yirik turar-joy massivi quriladi. Yangi majmua Boʻrijar kanali bo‘ylab joylashadi va 461 million dollarga tushadi.
Loyiha 16-iyun kuni poytaxtni rivojlantirish bo‘yicha boshqa rejalar qatorida prezident Shavkat Mirziyoyevga taqdim etilgan.
Beshyog‘och mahallasidagi rekonstruksiya zonasiga kiruvchi maydonda quyidagilar qurilishi rejalashtirilgan:
- 16 ta turar-joy binosi;
- 2304 xonadon — taxminan 9200 kishi uchun;
- eng baland bino 30 qavat boʻladi.
Majmua barcha zarur texnik, jumladan, 8 ballgacha zilzilaga bardoshlilik va gidrogeologiya bo‘yicha xulosalarni olgan. Qurilish muddatlari va qo‘shimcha infratuzilma obyektlari haqida hozircha ma’lumot berilmagan.