Muxtor Ashrafiy va O‘rol Tansiqboyev uy-muzeylari vaqtincha yopildi
Muxtor Ashrafiy va O‘rol Tansiqboyev uy-muzeylari ta’mirlash uchun vaqtincha yopildi. Bu haqda Madaniy meros agentligi xabar berdi.
Qayd etilishicha, ushbu uy-muzeylarida 26-maydan 2-sentabrgacha atoqli san’at arboblarining uy-muzeylarida ta’mirlash-tiklash ishlari olib boriladi, isitish va sovitish tizimlarini to‘liq qayta ishga tushiriladi. Shu sababli ularning faoliyati vaqtincha to‘xtatildi.
“Ta'mirlash ishlari davomida uy-muzeylar fondi, u yerda saqlanayotgan eksponatlar, ishchi xodimlarning mehnat faoliyati, ekspozitsiyalarni yangilash hamda tashkiliy masalalar bo‘yicha barcha ishlar Madaniy meros agentligi tomonidan nazoratga olinadi”, — deyiladi xabarda.
Afisha.uz oldinroq Toshkentdagi uy-muzeylari haqida maqola tayyorlagandi.
Abdulla Qodiriydan Sergey Yeseningacha: Toshkentdagi uy-muzeylari
Toshkent shahri juda koʻplab ijodkorlar uchun oʻz bagʻridan joy bergan. Ular Oʻzbekiston poytaxtida yashagan va ijod qilgan. Keyinchalik ijodkorlar istiqomat qilgan joylar uy-muzeylariga aylantirilgan. Afisha.uz ushbu toʻplamda Toshkentdagi 10 ta uy-muzeyi haqida ma'lumot beradi.