Qovun sayli

Xivada qovun festivali bo‘lib o‘tadi. Viloyatning shahar va tumanlarida ushbu hududda yetishtirilgan qovunlar ko‘rgazma-savdosi ochiladi. Pavilonlar mahalliy koloritni hisobga olgan holda bayramona uslubda bezatiladi.

Festivalda teatrlashtirilgan tomoshalar, qo‘g‘irchoq teatrlari va milliy liboslar namoyishi bo‘lib o‘tadi.

Mehmonlarni an’anaviy taomlar, Xorazm noni va hunarmandchilik koʻrgazmalari, shuningdek, mahorat darslari hamda tasviriy va amaliy san’at koʻrgazmalari kutadi.

Bayram muhitini badiiy va folklor jamoalarining chiqishlari boyitadi.