Yangiyoʻl yaqinida yangi xalqaro aeroport quriladi: nimalar maʼlum

Toshkent viloyatida yangi xalqaro aeroport qurilishi rejalashtirilgan — u poytaxtdan taxminan 17 km janubda, Yangiyo‘l shahri yaqinida, M-39 avtomobil yo‘li va bo‘lajak Toshkent-Samarqand pullik yo‘li yonida joylashgan bo‘ladi . Bu haqda transport vaziri Ilhom Maxkamov “O‘zbekiston 24” telekanaliga bergan intervyusida ma’lum qildi.

Yangi Toshkent aeroportining ehtimoliy joylashuvi. Foto: Spot.

2030-yilgacha aeroport yiliga 20 million yo‘lovchiga xizmat ko‘rsatishi, soatiga 40 dan ortiq uchish-qoʻnishni ta’minlashi va bir vaqtning o‘zida 169 tagacha samolyotni qabul qilish imkoniyatiga ega bo‘lishi rejalashtirilgan. U to‘liq raqamlashtirilib, xalqaro standartlar asosida jihozlanadi.

“Uzbekistan Airports” rahbari Javlonbek Umarxo‘jaevning so‘zlariga ko‘ra, poytaxtning hozirgi aeroporti allaqachon o‘z imkoniyatlar chegarasida ishlamoqda: uning sig‘imi yiliga 11 million yo‘lovchini tashkil etadi, hatto bosqichma-bosqich modernizatsiya qilish ham 2030 yilga borib rejalashtirilgan 15 million yo‘lovchi tashish oqimiga bardosh bera olmaydi. Bundan tashqari, hozirgi shahar markaziga yaqin joylashuvi — shaharlardagi havo qatnovining yanada kengayishiga to‘sqinlik qilmoqda.

Yangi aeroport ishga tushirilgunga qadar mavjudlarini rivojlantirishni davom ettirish rejalashtirilgan: terminallar, platformalar va avtoturargohlarni kengaytirish. Transport vaziri oʻrinbosari Jasurbek Choriev taʼkidlaganidek, mavjud aeroportga kamida 2028−2029-yillargacha sarmoya kiritilishi kerak.

2025-yil sentabr oyida Transport vazirligi, Uzbekistan Airports va Toshkent viloyati hokimligi strategik hamkorlar bilan muzokaralar o‘tkazadi. Loyiha konsepsiyasi va investorni tanlash 2025-yil oxirigacha yakunlanishi rejalashtirilgan. DXSh shartnomasini 2026-yil dekabrigacha imzolash rejalashtirilgan.