"Afrosiyob" poyezdlarida Wi-Fi xizmati ishlay boshladi

“Afrosiyob” tezyurar poyezdlarining har bir vagonida Wi-Fi xizmati ishlay boshladi. Bu haqda Transport vazirligi matbuot xizmati xabar berdi.

Qayd etilishicha, tarmoqqa ulanish uchun telefon raqami oorqali roʻyxatdan oʻtish lozim. Keyin yo‘lovchilar quyidagi imkoniyatlardan foydalana oladi:

• ichki media-portalga kirish imkoniyati — sayohat davomida filmlar tomosha qilish, musiqa tinglash va turli kontentlardan bahramand bo‘lish;
• internetdan foydalanish — dastlabki 30 daqiqa mutlaqo bepul.

Gazeta.uz nashrining xabar berishicha, internetdan bepul 30 daqiqadan ortiq foydalanish tariflari quyidagicha:

• 48 soat — 15 ming so‘m;
• 7 kun — 25 ming so‘m;
• 30 kun — 50 ming so‘m.

Ma’lumot uchun, Wi-Fi tarmogʻi “Afrosiyob” poyezdlarining har bir vagonida va uning barcha yo‘nalishlarida ishlashni boshlagan.