Sergeli tumanidagi ba'zi koʻchalarda avtomobillar harakati vaqtincha cheklanadi

Sergeli tumanida 2025-yil tunu-kun faoliyat yuritadigan gastronomik ko‘chaning ochilish tadbirlari munosabati bilan avtomobillar harakati cheklanadi. Bu haqda Sergeli tumani hokimligi matbuot xizmati xabar berdi.

Qayd etilishicha, quyidagi ko‘chalarda transport vositalari harakati vaqtincha cheklanadi:

• Sug‘diyona ko‘chasining Yangi Sergeli ko‘chasi kesishmasidan Jaloyir va Bag‘rikeng ko‘chalari kesishmasigacha bo‘lgan qismi;
• Jaloyir ko‘chasining Sug‘diyona ko‘chasi kesishmasidan Obihayot ko‘chasi kesishmasigacha bo‘lgan qismi;
• Obihayot ko‘chasining Yangi Sergeli ko‘chasi kesishmasidan Jaloyir ko‘chasi kesishmasigacha bo‘lgan qismi.

Cheklov muddati 22-avgust soat 18:00 dan 23-avgust soat 00:00 gacha davom etadi. Hokimiyat fuqarolar va haydovchilardan ushbu vaqtda muqobil yo‘llardan foydalanishlarini soʻradi.