Oʻzbekiston va Iordaniya oʻrtasida viza talablari bekor qilinishi mumkin

Samarqand shahrida O‘zbekiston prezidenti Shavkat Mirziyoyev va Iordaniya podshohi Abdulla II ibn al-Husaynning muzokaralari bo‘lib o‘tdi.

Muzokaralar davomida ikki mamlakat oʻrtasida madaniy, ta’lim va turizm sohalaridagi almashinuvlarni, shu jumladan, qo‘shma madaniyat haftaliklari, konsertlar, ekspozitsiya va ko‘rgazmalar o‘tkazish orqali yanada faollashtirishga tayyorlik bildirildi.

Qayd etilishicha, Shavkat Mirziyoyev Podshoh Abdulla II tomonidan bundan 10 yil oldin boshlangan “Aqaba jarayoni” tashabbusini yuqori baholab, ushbu tashabbusning navbatdagi yig‘ilishlaridan birini Samarqand shahrida o‘tkazishni taklif etdi.

Shuningdek, ikki mamlakat poytaxtlari o‘rtasida muntazam aviaqatnovlarning yo‘lga qo‘yilishi va vizasiz rejim joriy qilinishi ishbilarmonlik aloqalari va o‘zaro sayyohlar oqimining ko‘payishiga xizmat qilishi ta’kidlandi.