Oʻzbekistonda 1 kg osh tayyorlash qanchaga tushadi?

Milliy statistika qoʻmitasi 2025-yil avgust oyi uchun Oʻzbekistonning turli hududlarida 1 kg osh tayyorlash narxi qancha boʻlishini hisobladi. Bunda xuddi shuncha palov uchun kerak boʻladigan mahsulotlar narxining oʻrtacha qiymati keltirilgan.

Palov pishirish uchun eng qimmat joy Toshkent — bir kilogram uchun 117 400 so‘m. Osh tayyorlash eng arzon hudud esa Qoraqalpogʻiston — 98,6 ming soʻm. Respublika bo‘yicha o‘rtacha narx 110−113 ming so‘mni tashkil qiladi.

• Qoraqalpog‘iston Respublikasi 98 600 so‘m.
• Andijon viloyati — 105 500 so‘m.
• Buxoro viloyati — 108 400 so‘m.
• Jizzax viloyati — 110 000 soʻm.
• Qashqadaryo viloyati — 111 700 so‘m.
• Navoiy viloyati — 110 000 so‘m.
• Namangan viloyati — 109 400 so‘m.
• Samarqand viloyati — 113 400 so‘m.
• Surxondaryo viloyati — 111 500 so‘m.
• Sirdaryo viloyati — 105 700 so‘m.
• Toshkent viloyati — 113 600 so‘m.
• Farg‘ona viloyati — 115 000 so‘m.
• Xorazm viloyati — 107 000 soʻm.
• Toshkent — 117 400 so‘m.

Hisoblash uchun standart mahsulotlar toʻplami quyidagicha:

• kungaboqar yogʻi — 0,3 l;
• piyoz — 300 g;
• mol goʻshti — 700 g;
• sabzi — 1 kg;
• guruch — 1 kg;
• noʻxat — 100 g;
• zira — 10 g;
• tuz — 20 g.

Ta’kidlanishicha, keltirilgan raqamlar muassasa yoki bozorlarda sotilayotgan bir kilogramm tayyor palov narxini aks ettirmaydi. Mahsulotlar, tayyorlash va tegishli xizmatlar xarajatlarini oʻz ichiga oladi.