O‘zbekistonda yoqilgʻini smartfon orqali toʻlash xizmati ishga tushdi

O‘zbekistonda yoqilg‘i uchun to‘lovlarni smartfon orqali amalga oshirish bo‘yicha yangi xizmat — Yandex Fuel ishlay boshladi.

Endi yoqilg‘i uchun to‘g‘ridan-to‘g‘ri smartfon orqali to‘lash mumkin. Yangi xizmat eng yaqin yoqilg‘i quyish shoxobchasini tanlash, narxlarni taqqoslash, yo‘nalishni tuzish, kolonka va kerakli litr miqdorini ko‘rsatish, keyin esa kassirga murojaat qilmasdan yoqilg‘i uchun to‘lovni amalga oshirishga yordam beradi.

Agar yoqilgʻi quyish shoxobchasi xodimi boʻlsa, hatto mashinadan chiqishning ham hojat boʻlmaydi. Hammasi Yandex Go ilovasida amalga oshirilishi mumkin.

Xizmat Toshkent, Toshkent viloyati, Qarshi va Samarqand shaharlarida ishlamoqda. Bundan tashqari, foydalanuvchilar uchun bonuslar va keshbek, shuningdek, taksi haydovchilari uchun chegirmalar taqdim etiladi.